鼎爺瘋狂吸金賺過千萬　即買樓畀女友

72歲嘅鼎爺李家鼎，前年憑《阿爺廚房》一炮而紅，食住人氣與拍檔搞「鼎爺私房菜」，晚晚高朋滿座，有錢都未必可以一嘗鼎爺手勢。私房菜極速回本，再加上廣告、品牌活動、Talk騷以及各大小商業騷，有指鼎爺半年賺過千萬。豬籠入水的鼎爺打算把儲起的錢先當首期，買層近千呎的樓畀女友揸手⋯
李家鼎早年入行做龍虎武師，揸住武器打打殺殺大半生，2016年拍無綫的《阿爺廚房》，廚藝了得的他大受歡迎，之後出書、投資私房菜、拍廣告，所有賺錢的機會接踵而來。
Cap嚟見我

鼎爺與女友近來拍拖愈見高調，日前孖住出席公開活動，鼎爺還即場力sell其私房菜出品的賀年糕點。
做完節目鼎爺即爆紅，廣告代言、贊助商源源不絕，鼎爺接job接到手軟。

無綫亦食過翻尋味，決定今年5月再拍攝新一輯《阿爺廚房》，菜式同樣由鼎爺發辦，屆時鼎爺又再忙到不得了。
鼎爺突然爆紅，呢一年佢幾乎日日都係工作，收入幾級跳，依家佢間私房菜一圍最低消費都兩萬幾蚊，唔係個個食得起，不過晚晚都爆場，再加上佢接咗好多廣告代言同商業活動，分分鐘半年都賺過千萬。

鼎爺鐵漢柔情，為了搵錢又唔想忽略女友，不時帶埋女友返將軍澳電視城開工。日前鼎爺開工後與女友在電視城西餐廳撐枱腳，有傾有講食完又甚有默契各自玩電話，一副老夫老妻模樣。

老竇鼎爺變大紅人，李泳豪除了拍劇、操拳、賽車之餘，原來還要充當鼎爺助手，幫手揸車管接送及睇頭睇尾。
有女友幫手理財，又有乖仔泳豪做助手，鼎爺就可以放心去大展鴻圖，向廚神之路繼續邁進。

 
膠通消息來源：東方新地


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁