張振朗陳芷尤鬧分手　 網民：佢地只係假分手

無綫力捧小生張振朗與同屆藝員訓練班34D咪神陳芷尤拍拖三年幾，被踢爆喺深井同居，但因公司落柯打，要將戀情收收埋埋，轉玩地下情。去年七月，張振朗更趁生日秘密飛新加坡陪女友兼見家長，仲有甜爆拍拖相漏出，但日前兩人忽然喺IG上以同一段文字同步宣布分手，並強調當中並冇涉及第三者。
張振朗：唔涉及第三者Cap嚟見我
張振朗同陳芷尤拍拖三年幾，經常甜蜜外遊，為保密戀情，每次打卡都會分開影單人照，今次宣告「分訊」，兩人就分別上載過去喺同一地點外遊時影嘅單人背影照，並貼上同一段留言表示：「多謝這幾年來的美好回憶，所有事情就像昨天發生一樣，依舊溫暖。我們當中並沒有涉及第三者。雖然現在關係有所改變，但我們都會在遠方繼續支持大家。感謝這幾年來對我們的關心。」
張振朗喺IG同FB都上載呢段「分訊」同呢張單人背影照。
陳芷尤只喺IG上載「分訊」同背影照。有唔少網友質疑兩人點解分手後仲可以咁合拍，懷疑兩人只係假分手。陳芷尤：分開咗一段時間宣布「分訊」後，張振朗唔肯回應分手嘅原因，只係話好多謝對方呢幾年嘅關懷同支持：「要作出呢個決定，其實雙方都好難，但希望日後大家都可以開開心心生活，行出自己人生新一頁，我哋會繼續喺遠處默默互相支持，多謝大家關心！」而陳芷尤就指大家仲係朋友，只係各有各忙、觀念唔同，仲話兩人已經分開咗一段時間：「選擇公開因為唔想外人繼續懷疑同問，希望大家會畀番啲私人空間我哋！」

陳芷尤近日不時外遊散心，大晒靚相，並留言自勉。
 


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁