睇戲影銀幕畫面打卡係咩玩法？百老匯電影院Cap IG圖提醒觀眾咪犯法

:0:0

眾所周知，入戲院睇戲影銀幕畫面是犯法行為，即使在電影播放前，都會見到影帝任達華出來講「仲影？成個電影業都畀你搞垮晒喇！」，提醒觀眾在戲院內拍攝及錄影屬違法，但原來仍有不少人知法犯法，所以，日前百老匯電影中心就Cap IG圖兼發帖警告，網友看到後紛紛留言，大呻睇戲時所遇到的慘況。
撰文：楓の凛澪｜圖片來源：百老匯電影中心Facebook
Cap嚟見我
係威定係無知？戲院內拍攝電影畫面打卡係咩玩法戲院內拍攝屬違法每次入戲院睇戲都必定會見到影帝任達華出來講「仲影？成個電影業都畀你搞垮晒喇！」等短片，提醒觀眾在戲院內拍攝及錄影即屬違法，會被刑事檢控，最高刑罰是監禁3個月同罰款港幣5萬元。

之不過，總有人會知法犯法，而日前，百老匯電影中心就在Facebook上發帖，指愈來愈多觀眾在戲院內拍攝，並將相片或片段上載至社交平台上，電影中心好心留言勸喻，但對方竟刪除留言當沒有事情發生，態度依舊。

許廷鏗都影過？！在去年年初，韓國大熱電影《與神同行》在港上映，許廷鏗亦有入場支持，但同是作為演藝人的他，竟然在戲院內拍攝，還上載至IG和留言：人人都有錯，重點在於你有沒有勇氣，在還來得及的時候，面對自己的「後悔」，在相後更加上Hashtag「原諒我忍唔住影咗一張」。有網友看到後即留言鬧爆，而許廷鏗雖然即時刪除相片，改用劇照，但在網絡世界上走過必留痕跡，早早就被網友Cap圖。