《美女廚房》七大地獄廚神終極出爐　「埋嚟奶、埋嚟椰」

（最底有片）無綫節目《美女廚房》第三輯開播兩個月為觀眾帶嚟唔少歡樂，除咗三位「銅腸鐵壁」嘅主持人同一眾嘉賓，神乎奇技嘅地獄廚神們當然係功勞不少！究竟煮啲咩可以逼到阿Bob（林盛斌）大嗌「行開啦八婆」呢？！快啲睇吓2018年《美女廚房》嘅新．地獄廚神，保證超乎大家對煮食嘅想像！
Cap嚟見我
地獄廚神第一階段：生㗎！俾太陽曬都熟過佢哋煮！《美女廚房》地獄廚神嘅一大特色，就係佢哋神乎奇技嘅烹飪方法，會令一切都煮唔熟，令人不禁懷疑佢哋煮咁耐究竟係煮咗啲咩⋯溫馨提示：生嘢，真係唔可以亂食！
吳若希負25分！吳若希嘅地獄菜式簡單嚟講就係「全生」雞卷伴「生」蠔汁！真係想問吓阿人妻，點解你舊雞煮完都係透明粉紅色嘅？點解嘅？點解完全係生嘅？
仲笑得咁開心⋯⋯莫非就係傳說中嘅睇人_ _最開心？玩咩？！點食啊真係生㗎！難怪阿BOB會直接攞垃圾筒出嚟！
2. 朱晨麗 負29分！朱晨麗嘅地獄菜式就係「液晶體流心瀨尿蝦」！唔好玩啦大佬，唔係所有嘢流心就係好食㗎！！！
唔好俾朱晨麗個靚女樣呃到⋯⋯都唔好俾碟餸嘅遠鏡呃到⋯⋯啲蝦係啫喱狀㗎！！！ 連唔怕食生嘢嘅Jacques師傅都頂唔緊啊！3. 劉佩玥 負29分！見到劉佩玥拎住把刀去煎嘢嘅時候，在座嘅主持人同嘉賓都深知瀨嘢啦今次！原本嘅指定菜式係焗法國鵪鶉伴青豆蓉⋯⋯
阿BOB睇見劉佩玥咁煎法都覺得不安，就叫佢切開隻鵪鶉睇吓，點知⋯⋯
係紅色㗎！！！當堂成枱人都驚呼出聲！！！輪到地獄廚神自己試食，睇嚟佢自己都唔敢食！因為曹永廉講得無錯，真係太陽曬都熟過佢煎啊！！
地獄菜式：「1成熟」鵪鶉4. 蘇麗珊 負38分！蘇麗珊要煮嘅指定菜式係「豬網油松露野菌伴薯仔麵糰」，但碟餸點睇都係得層皮熟嘅「全生」雞卷！！阿BOB喺蘇麗珊試食嗰時都忍唔住叫佢搵啲熟少少嘅位試！
但真係點都搵唔到啊嘛！！！賣相都呃得下人但唔好受到假象影響！！！！真係生到好似冇煮過咁！！！
啲雞肉，粉紅色、晶瑩剔透咁，真係用水淥一淥都熟過佢煮咁耐⋯⋯
《美女廚房》地獄廚神終極篇：熟嘅唔代表安全！以為地獄廚神得呢啲斤兩，實在係太天真啦！！！因為煮得熟唔代表擺得落口，咁先係地獄廚神嘅最高境界！
地獄廚神 第三位 湯洛雯＋倪晨曦 負45分！指定菜式原本係「避風塘無骨炸豬手 配 龍蝦湯凍」，而呢對撞樣姊妹花嘅地獄菜式就係「廚餘炸豬手 配 洗潔精龍蝦湯」！

姊妹花人當然靚，煮嘅餸賣相就真係麻麻喇！

而呢杯「龍蝦湯」，不但有洗潔精味，仲成功令所有主持人同嘉賓吐哂出嚟！真係今季第一次啊！

邊個估到「靚湯」湯洛雯煲嘅湯會咁難飲⋯⋯地獄廚神 第二位 梁嘉琪 負45.9分！梁嘉琪嘅菜式係「What the 膝」配 地獄洋蔥湯！但睇嚟佢都唔係好明點解自己會係地獄廚神⋯⋯依小編所見，通知呢類人先真係堅．地獄廚神⋯⋯

本來嘅指定菜式係「紅酒燴羊膝 配 法式洋蔥湯」，但梁嘉琪煲嘅湯就真係出哂事，炒完啲洋蔥無味都算，啲湯仲要黑黑地色！
嘔都唔夠，仲要推到碗湯鬼咁遠！老友黃宗澤都無眼睇啊！張振朗飲完又嘔完之後，忍唔住大鬧：「真係What the膝 (英文「該死的」嘅諧音)！羊膝個膝啊！」

地獄廚神 第一位 鄧佩儀 負46分！估唔到！鄧佩儀煮嘅餸竟然可以逼到阿Bob破口大罵：「行開啦八婆！」但蕭正楠助紂為虐就好開心咁喇！

呢道名為「埋嚟奶埋嚟椰」嘅菜式，鄧佩儀自己試食完都失控喪笑！好恐怖啊真係！！！！
啲料睇落都未熟⋯⋯實臭啦⋯⋯仲要一Pat嘢咁！癡線㗎！！！！好慘啊阿Bob！！！！

仲要食到喊！

張振朗喺後面食完花生就到佢食地獄料理啦！ 臭㗎！！！鄧佩儀仲要笑得好開心！不過小編都笑得好開心！
新‧地獄廚神(下)：熟嘅唔代表食得！Bob：行開啦八婆！
Posted by 東方新地 Live on Tuesday, 21 August 2018
Capby：東方新地


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁