網民讚爆羅蘭洗腦歌　巴打：唔嚇死，都笑死！

每年暑假嘅尾聲都係海洋公園宣傳哈囉喂嘅時候，呢個時候點可以少咗成日扮鬼嘅羅蘭。不過今年佢就同消防處合作，推出咗新嘅洗腦歌。

Cap嚟見我
農曆7月係羅蘭姐嘅月份，每年都有唔少商家邀請羅蘭姐合作。今年消防處邀請羅蘭姐宣傳CPR（心肺復蘇法）。

佢地推出咗《【真· 羅蘭 x 擊活の人心 – 靈異篇】 收嘢喇！外賣到喇！》！透過洗腦歌將CPR用法口訣、免費課程，以及 AED（自動體外心臟去顫器）嘅使用方法話俾大家知。
呢手4分鐘嘅歌唔單止有齊恐怖，搞笑，洗腦同埋知識。最近要係有羅蘭姐親自跳唱，教導大家點樣處理呢種情況。

推出好大獲好評，好快就破萬點擊率。點解咁收歡迎？係因為條片入面好似Marvel啲電影咁有好多彩蛋，吸引大家睇晒呢條洗腦片。

例如片頭片名「擊活之人心」字形係模仿了動漫《進擊的巨人》喇，下面「Press to Shock ~ Save a Life」就模仿了很多遊戲的開場畫面。

片中嘅外賣單據就寫「此地址樓層有靈體；最好唸經及帶護身符前來」，致敬早前網上瘋傳麥當勞麥麥送溫暖事件。
除咗彩蛋，仲有細節位：例如外賣員係來自消記茶餐」、同羅蘭姐一齊跳舞嘅係牛頭馬面；最後訪問外賣員係「擊活人心」電視台等，難怪被大獲好評。

最重要嘅當然係羅蘭姐得意又有魔性嘅洗腦歌環節，真係唔單止睇晒成條片，仲深深咁印咗係大家個腦到。
網民紛紛好評：

「呢段宣傳片係消防處救護員一手包辦嘅，好有創意」
「唔嚇死都笑死」
「我竟然睇曬」
「超成功，腦已洗」
「好鬼貼地」
「重點片講哂，總好過話無正式讀過就袖手旁觀」

最後嘅結局都好搞笑，冇爛尾。

最後提提大家無急救證書亂用 CPR 隨時出事，所以有興趣嘅朋友可以參消防處舉辦嘅免費「擊活人心」課程學習相關知識。
【CPR AED 口訣歌詞】
左手 右手 直手 擺喺心口
深度 深度 5 cm 嘅深度
速度 速度 1 秒 2 下嘅速度
唔好俾佢停呀⋯
左手 右手 直手 擺喺心口
深度 深度 5 cm 嘅深度
速度 速度 1 秒 2下嘅速度
開機 貼 Pad 快快 AED 電擊
舉高雙手 擊活人心係時候



正！！！
Posted by 大娛樂家 on Wednesday, 22 August 2018
Cap By：巴士的報


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁