《延禧攻略》霸氣宮女不忿被老點　對付「綠茶婊」主子一招收佢皮！

:0:0

N年前《甄寰傳》華妃嘅一句「賤人就是矯情」，吊打一眾「綠茶婊」，大快人心，呢句金句更加成為經典，用嚟對付扮可憐嘅小人簡直一流！最近熱播嘅劇集《延禧攻略》，又出現教訓「綠茶婊」嘅情節，真係睇到好L爽呀！
當年《甄寰傳》華妃嘅一句「賤人就是矯情」，到今日都仲有人用嚟鬧啲「綠茶婊」。
Cap嚟見我

《延禧攻略》嘅後宮嬪妃大鬥法鑊鑊精彩，連宮女都唔係「省油的燈」，就好似爾晴咁，原本係富察皇后嘅近身宮女，為咗上位，佢設計陷害主子，之後仲嫁埋俾皇后嘅細佬傅恆，點知竟然派帽俾相公！呢件「綠茶婊」作威作福，令人咬牙切齒，睇住女主角魏瓔珞「一巴掌」甩埋去教訓佢，簡直大快人心！

爾晴喺紫禁城長春宮要俾死對頭魏瓔珞一個下馬威，用主子身份點佢做嘢，但魏瓔珞話自己要去侍候皇后而拒絕，爾晴霸氣地鬧佢：「魏瓔珞，你好大的膽子，竟敢推脫我的命令。」點知魏瓔珞仲霸氣，大返佢：「你腳下的這片土地是紫禁城，是長春宮，不是富察府，在這兒一切以皇后娘娘的需求為先。」

魏瓔珞天不怕地不怕，，直接兜巴掌埋爾晴度，勁霸氣！

爾晴嬲爆，打咗魏瓔珞一巴：「我是主子妳是奴才，今天讓妳知道什麼是叫規矩什麼叫體統。」佢正想再打嘅時候，俾魏瓔珞反刮一巴掌，成個人爾跌咗落地：「你瘋了，竟敢打我。」

魏瓔珞霸氣又直接：「滾回妳的富察府去。」

魏瓔珞冇有怕！有句講句：「要作威作福，滾回妳的富察府去，這是紫禁城，所有人都是皇家奴才，妳的身份本質上與我等並無不同，我若有錯，自有皇后娘娘處置，什麼時候輪到妳在這兒越俎代庖。」爾晴雖然大喊來人，但遠處的宮女不敢靠近，魏瓔珞揭事實：「如今長春宮早已經不是妳的天下，勸妳不要在這放肆。」贏咗！

Cap by：ETtoday星光雲
《延禧攻略》眾妃爭寵邊個先係皇上最愛？由佘詩曼主演嘅內地宮鬥劇《延禧攻略》已經在無綫開播，劇中佘詩曼飾演嘅嫻妃，將會同富察皇后 (秦嵐飾)、高貴妃 (譚卓飾) 及女主角魏瓔珞 (吳謹言飾) 等在後宮鬥個你死我活，但原來佢哋通通都唔係皇上嘅最愛！
《延禧攻略》憑異香得寵原來乾隆皇帝最寵愛嘅妃子係以歷史上嘅「容妃」為原形嘅順妃 (張嘉倪飾)，在野史上佢被稱為「香妃」，亦即金庸筆下《書劍恩仇錄》中嘅「香香公主」！