鄭伊健出山返TVB撐好兄弟場黎諾懿：呢啲朋友去邊搵！

:0:0

近日鄭伊健喺TVB電視城被唔少藝員同事野生捕獲，更與《愛•回家之開心速遞》演員合照，令人猜測伊健係咪會客串該劇。不過，其實今次伊健返電視城係為咗佢！
撰文：東方新地｜圖片：影片截圖、IG、微博
Cap嚟見我
鄭伊健出山返TVB話說近日鄭伊健經常於TVB電視城野生捕獲，而且友善嘅伊健就緊係唔少得同演員合照，當中就有唔少有份拍處境處《愛•回家之開心速遞》嘅演員好似Terry及KC都有同到伊健合照，從而引嚟觀眾猜測及期待伊健係咪會為該劇友情客串一下！

不過咗《愛》嘅演員同伊健合照，就連拍緊《降魔的2.0》嘅馬明都巧遇到伊健，而且合照中亦有黎諾懿，馬明就話：「巧遇2個男神」！不過，原來今次伊健嚟到電視城係同黎諾懿有關！

撐好兄弟新節目事關，伊健為好兄弟黎諾懿首次以個人身份主持嘅煮食節目《懿想得到》擔任嘉賓，特意返電視城為嘅原來係支持好兄弟，伊健認真唔話得！

據伊健透露，黎諾懿安排咗二人喺電視城踩單車，試下做啲係電視城以前冇得做嘅事！至於伊健亦有為好友主動提出拍攝節目嘅一啲建議，例如喺電視城嘅飯堂拍攝等。

另一方面，黎諾懿為答謝好友伊健願意擔任處男節目嘅嘉賓，於是佢打算喺伊健澳門演唱會中擔任表演嘉賓，仲話會唱2首歌之餘，亦唔介意跳舞。點知伊健就踢爆對方，其實黎諾懿擔任演唱會嘉賓嘅原因係還之前嘅台慶人情債！

話說當時黎諾懿本來喺台慶表演時答應同伊健一齊上台唱歌，結果反而一直往後縮，唔知去邊咗度。

鄭伊健 TVB台慶獻歌睇番去年的無綫台慶上，伊健以壓軸嘉賓身份演出，喺台慶獨自solo一part，深情獻唱《直至消失天與地》和《一生愛你一個》，其中《直至消失天與地》更是伊健主演的1994年無綫劇《笑看風雲》插曲，經典中嘅經典！

View this post on Instagram A post shared by 黎諾懿 Lokyi Lai (@lokyilai) on Dec 16, 2018 at 10:43pm PST
原意想同黎諾㦤合唱伊健唱畢後再與周柏豪合唱《友情歲月》，不過唔少網友認為呢個組合有啲奇怪，仲話難得伊健喺幕前唱歌，希望聽佢獨唱咁話！唔講唔知其實原先伊健想拉埋好友黎諾㦤上台合唱，只係黎諾㦤怕醜唔敢公開唱，最後婉拒了伊健。

View this post on Instagram A post shared by 黎諾懿 Lokyi Lai (@lokyilai) on Mar 19, 2019 at 8:02pm PDT
而伊健喺接受訪問期間更高舉《懿想得到》嘅牌，為對方宣傳，唔怪得就連黎諾懿都話：「呢啲朋友邊度搵呀你話」！

即時回顧：「最接近神的男人」黎諾懿都試過捱窮？喺無綫處境劇《愛‧回家》飾演馬壯一角而大受歡迎嘅黎諾懿近來不論事業、感情都如魚得水，更得到TVB重用於多套劇集擔任男一角色。原來過往呢位「最接近神的男人」都有過一段辛酸史，試過捱麵包、住劏房，生活要擔柴憂米。
View this post on Instagram A post shared by 黎諾懿 Lokyi Lai (@lokyilai) on Jul 29, 2018 at 9:14am PDT
黎諾懿之前喺接受電台訪問時就重提呢段捱窮史，但就特別提起佢嘅好兄弟鄭伊健，同感激佢喺自己危急之秋義氣相助，令大家知道更多兩人間更深層嘅經歷。

喺《愛‧回家》飾演馬壯而爆紅嘅黎諾懿（左）

instagram@lokyilai

instagram@lokyilai最窮嘅時期多得有伊健相助諾懿透露06年拍《溏心風暴》係佢人生中最窮嘅時期，喺紅磡住劏房期間多得有好友伊健相助，更會搵相熟導演介紹佢拍戲。諾懿早年在訪問中稱很感謝鄭伊健在他身邊出現，他提起舊時:「在最霉的時候，伊健會叫我去佢屋企揀衫，因為佢好多衫都只係着過一次，着完就會送俾我。」黎諾懿更憶起當時鄭伊健好貼心地話:「啲衫我都唔要，過嚟揀啦！我淨係喺大陸着過，香港唔會知嘅。」看來伊健真是對朋友義無反顧！