鄭嘉穎一招冧掂未來外父 陳凱琳等嫁
陳凱琳、龔嘉欣、譚凱琪、沈卓盈更被組成嘅「少婦聯盟」分享甜到漏的愛情故事，搶住做狗年新娘。四個不同年齡、背景與性格的索女走埋一堆，竟然冇是非只有笑聲，仲當場互爆馭仔術。其中陳凱琳更自爆男友鄭嘉穎有一個絕招，冧掂未來外父，依家陳凱琳Daddy勁buy佢啊！
Cap嚟見我
年紀最細的26歲陳凱琳，每提熟男男友鄭嘉穎永遠一副甜到漏樣，陳凱琳唔止對男友嘉穎好，仲被爆愛屋及烏，佢對男友嘅屋企人同朋友全部都好好。
陳凱琳更自爆鄭嘉穎曾買紅酒氹其父：「我Daddy好鍾意飲紅酒嘅，嗰時啱啱拍拖都希望Daddy對嘉穎印象好，見面前嘉穎問我Daddy鍾意啲咩？我略略提過佢鍾意飲紅酒囉！」不過陳凱琳就話嘉穎聽完只係『哦！』咗一聲，愛理不理咁。
男人其實乜都只會放喺心，陳凱琳話：「第一次食飯佢就買咗支好貴嘅紅酒，我Daddy收到時好似冇嘢咁望一望話:『哦！多謝你呀！』然後擺低支酒。當嘉穎出去洗手間時，Daddy再攞起支酒話:『嘩！靚嘢喎！』跟住我真係好開心呀！大家都開心，Why not？」感情好到不得了，更被傳過無數次婚訊，問陳凱琳嘉穎是否她的Mr. Right，她秒答:「Absolutely！（肯定）」隨即摸住凳連講二次「Touch Wood！」如無意外嫁硬啦！
當初公開戀情時，兩人不被看好，依家已經Sweet到兩個人同兩家人都等緊佢哋嘅婚事，更估唔到嘅係嘉穎竟然係個咁貼心嘅人！
膠通消息來源：東方新地
[圖擷取自網路，如有疑問請私訊]
|
本篇 |
不想錯過? 請追蹤FB專頁! |
 | 喜歡這篇嗎？快分享吧！ |
相關文章
頭條膠
