郭富城係找數真漢子！　點樣向全港市民派利是？

郭富城24年前接受訪問嘅片段最近瘋傳，片中城城話自己將來結婚後會向全香港市民派利是，個個有份咁話！今時今日，郭富城結咗婚做埋老豆，呢日佢出席活動時就話無可能逐家逐戶派利是，但就提出一個更好嘅找數方法！
近日郭富城24年前嘅訪問片段好鬼hit，片中城城大大聲話自己將來結婚之後，就會向全港市民派利是，個個都有份！依家城城唔單止結咗婚，仲做埋老豆，咁係時候找數啦喎！
Cap嚟見我

今日城城出席新春活動，大家當然有提佢找數！城城笑說自己有睇番條片，話自己24年前啱啱出道，唔識得點應對傳媒。不過依家自己已經成家立室，既然曾經作出過承諾，佢一定會找數！

不過聽埋城城講點找數先！要佢逐家逐戶派利是真係無可能，所以佢建議將要派俾全港市民嘅利是，集合成一封大利是，然後捐去聯合國兒童基金會！代表全港市民將呢份愛送俾有需要嘅人。既遵守承諾找數，又可以做善事，城城呢個建議真係唔錯！

膠通消息來源：HK01、東網on.cc、東方新地


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁