蕭正楠教你一招KO美國簽證　網民：怪唔得你叫奇怪先生

依度有冇巴打耳仔係緊貼後腦？如果有嘅話，蕭正楠幫到你！因為如果你要申請美國簽證，耳仔係緊貼後腦係會成為阻礙㗎！等肥仔黎都向奇怪先生蕭正楠學嘢，一招KO美國簽證先！

Cap嚟見我
喺面相嚟講，耳仔貼後腦係一件好事，因為雙耳在生長時貼近耳後的皮肉，從正面看上去只能看到一小部分耳朵，代表呢個人經營和理財的能力很強！不過蕭正楠似乎就因為呢件事引起問題，皆因佢申請美國簽證，條件之一係要佢見到兩隻耳仔，但佢就見唔到，結果佢就十分之醒目仔，用咗個神奇方法解決。

蕭正楠係IG話：「原來影美國簽證的證件相有兩大條件，第一要見哂兩條眉第二要見晒兩隻耳仔，但係我隻耳仔天生貼面，我只可以諗到呢個方法去解決問題！」原來佢係耳仔後貼上膠紙「撐」起隻耳仔！

不少網民都留言讚蕭正楠聰明，「真是聰明」、「咁都被你諗到」、「真係無嗌錯係奇怪先生，好叻呀你！」唔怪得翠如BB叫佢做奇怪先生啦！
膠通消息來源：巴士的報，網上圖片，蕭正楠IG


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁