已婚男上司買玫瑰送畀女下屬　仲要唔止一個？！

男士們，又嚟到一年一度嘅送花放閃大賽，今日你哋送咗玫瑰未？未送又或者冇機會送花嘅話，不妨參考一下呢位絕世好上司嘅做法啦！
2月14日，情人節，對於男士女士都係一個好有意義嘅日子。唔少女士都非常期待男朋友/老公嘅「表現」，今日旺角花墟逼爆人，有好多男士係到揀緊花送畀另一半！其中呢位黃先生，一個人竟然五枝花⋯ 點解嘅？點解嘅？唔通⋯⋯⋯⋯
Cap嚟見我

黃生有一個結婚多年嘅老婆，佢話今日用咗900蚊買咗5枝玫瑰，送畀自己秘書同其他女同事，嘩！竟然冇老婆份？黃生即兜：「有一枝喺送畀老婆㗎！」，他話其實平時就好少買花，今年買開畀啲秘書，冇理由唔買畀自己老婆㗎嘛。嘩，黃生你都幾順便㗎喎⋯

黃生話今年係第一次送花畀下屬，情人節撞正新年，佢都明白女仔有幾咁渴望收花，咁就買嚟等啲秘書仔開心下咁話喎！

做得絕世好上司嘅黃生又點會唔係好老公啊？佢話又一早已經book定餐廳，今晚同老婆撐枱腳食飯慶祝情人節！
膠通消息來源：appledaily.com.hk
 


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁