日本網友：每日返屋企　我老婆都會扮死 點算？

人人都有十萬個激嬲另一半嘅理由，唔知以下呢一個大家有冇試過？早於八年前，有一個日本網民於網上分享指，有一日返到屋企，老婆都「死咗」，嚇到崩潰，點知隔咗一陣，老婆就「翻生」。原來老婆只係扮死嚇人，第一日真係嚇到嬲、嬲到震！
不過，唔好以為老婆嘅大計就咁就完咗⋯⋯ 呢位日本網民話自從嗰日之後，老婆每日都繼續扮死嚇佢，仲要「日日新鮮鑊鑊甘」，每日唔同死法，今日可能係畀鱷魚咬，聽日可能係中箭，後日可能仲會cosplay扮軍人戰死沙場，下星期又可能扮自殺！
Cap嚟見我

雖然呢位網民都要懷住膽戰心驚嘅心情返屋企，不過其實以另一個角度睇，老婆知道老公做嘢辛苦，每日都諗一個新嘅「死法」，仲要搵齊服裝、道具，成為佢哋兩公婆嘅小情趣，成件事都幾sweet啊！
依家仲被改編成為溫馨又搞笑嘅電影《每天回家都會看到我老婆在裝死》，有清純可人嘅榮倉奈奈飾演老婆、同埋安田顯飾演木獨老公，即睇預告片啦！



[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁