屎萊姆搵Rose Ma拍MV　又拖手又錫錫仲要挨胸

依家周街都係YouTuber、KOL，你估個個都真係咁出名咩？要多人睇多人follow，就一定要keep住擺片，重要啱班觀眾口味，又要拍得夠搞笑，你估YouTuber真係咁易做嘅咩？點擊有成兩億嘅YouTuber屎萊姆，加盟英皇娛樂做藝人，即刻就有首新歌，仲請嚟Rose Ma做女主角，真係威威。
屎萊姆依家除咗繼續做Youtuber，之前加盟英皇娛樂做藝人，就即刻整咗首歌俾佢唱。雖然呢首歌本身係洪卓立唱嘅，不過依家就整咗個合唱版，都算係一個新嘗試。
Cap嚟見我


首歌就講三對情侶，搞搞下搞到分手，所以「如果…給你重新挽回的機會，你會怎麼選擇？三段不同的故事，哪個最能代表你？」。呢首歌仲請咗馬俊怡（Rose Ma）、曾憲文、趙詠瑤、黃浚銘、潘杰玲做主角，請到Rose Ma做屎萊姆女主角，真係威威。


唔講咁多，聽咗首歌先再講！

唔少網民紛紛留言，撐屎萊姆好俾心機度劇本、整MV，仲唱得唔錯！

不過都有網民唔係咁欣賞，仲話唔係好聽到屎萊姆把聲。

屎萊姆開咗2條YouTube channel「屎萊姆瘋狂世界」同「屎萊姆的3次元」，一開頭係拍打機片起家，之後就開始講下飲飲食食、淘寶開箱、旅行片。

經營呢兩個頻道你估咁易咩？屎萊姆就話：「當初反應一般，也會想是不是自己肥仔，沒有觀眾緣，惟有努力不斷拍，不斷試，不斷改。」

雖然拍片同剪片要成十幾個鐘，再加上每條片配埋字幕，真係少啲功夫都搞唔掂。不過要留得住一班觀眾，屎萊姆都堅持每日出一條片。

屎萊姆話：「頻道初期一定是捱，例如我的新頻道頭一年都是蝕住做，觀眾人數才會慢慢上升。」最近屎萊姆正式加盟英皇娛樂做藝人，又成立咗服裝品牌Overspice，終於捱出頭。加盟英皇後屎萊姆會繼續搞YouTube channel為主，之後又會愈來愈多商業合作，會有更多嘗試。



[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁