Aka同Heidi BB鬥操肌　巴打：鬥IPad就真係嬴晒

近日女團Super Girls出席活動時，成員一致推舉Cheronna (吳嘉熙) 身材最好，不過講到成員當中邊個最勤力keep fit，可能就要數Aka (趙慧珊) 同Heidi (李靜儀) 啦！事關日前佢哋兩人不約而同都po出做gym健身嘅片段，兩個都操肌操到咬牙切齒，真係睇見都戥佢哋辛苦！
女團成員唔易做！Aka、Heidi 鬥操肌Cap嚟見我
近日Cheronna著小背心出席活動，獲其他四位成員Aka、Heidi、Jessica (蔡明思)同Yanny (陳穎欣) 推舉為五女當中身材最好。

Cheronna就謙稱自己只係某啲部位多咗啲肉，但Aka就搞笑話：「Cheronna好大方，畀我哋任摸都完全唔介意，真係一個係好女仔。試過有次我同佢同房，見到佢唔着衫周圍走，成個野人咁，不過嗰時我冇戴眼鏡，只係見到一堆肉色嘅物體。」
雖然其他成員身材唔夠Cheronna「多肉」，但佢哋都好勤力keep fit，日前成員Aka同Heidi就不約而同po出佢哋做gym健身嘅片段。
Aka片中Aka舉住波做sit-up，真係做到咬牙切齒，佢話：「做完1小時多circuit training之後再練腹＝臉容扭曲。P.s.個波好重。」
而Heidi做gym時動作變化多多，包括側身舉啞鈴、舉波同時舉腳等，佢仲留言激勵自己：「有個哲人說過，不經過反思的人生不值得過。反思是讓我們反思自己行為是否違背初心，是否每天都在進步，是否每天都有所收穫，是否更好達成自我目標。」
Heidi側身舉啞鈴睇落做得好輕鬆。
但練手臂肌時Heidi個樣就有啲辛苦啦。

其實Aka同Heidi以往都不時上載自己操肌嘅相同片段，可見佢哋健身之頻繁，難怪身材可以keep得咁纖瘦，Aka仲有腹肌㖭！




Cap by：東方新地


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁