美圖獸獸出沒注意　中外女星P圖P出事合集

:0:0

網上流傳跟荷里活雜誌《Vanity Fair》今年封面，影后麗絲韋花絲潘（Reese Witherspoon）竟然有3隻腳，喺花絮照名嘴奧花雲費（Oprah Winfrey）出現3隻手，明顯P圖P出事。香港唔少女星post相之前都會P一P，但這些佢哋總會犯上同樣嘅錯誤，就係「P圖P得太重手」。
3手3腳嘅Vanity Fair封面Cap嚟見我

睇唔睇到有咩問題？睇唔到肥仔黎就放大啲。

仲睇唔到？

足足有三隻腳！

有冇問題？

變咗種之後我哋又睇吓亞洲區嘅P圖選手！！！！
吳亞馨 P圖P到海岸線變形曾是狄易達女友嘅台灣女星吳亞馨，本身是模特兒出身，身材不俗，但只有C cup上圍嘅佢在一輯三點式泳衣照中，展現出「暴乳」級嘅葫蘆身形，睇真啲，就發現喺佢腰線位好明顯有P圖痕跡，因為實在P得太重手，P到連海岸線都離奇變形！

吳亞馨條蛇腰點嚟？你睇吓條海岸線變形就知啦！

吳亞馨原本擁有C cup上圍，谷一谷都好有睇頭。

花姨 P到欄杆變形係女人都怕老，不過歌都有得唱「經過那些年……」無人敵得過歲月，好似汪明荃今年67歲，老得自然又優雅，從無人工添加，連自拍照都甚少後期製作扮young，細阿姐一年嘅宮雪花，迷戀美圖秀秀令她回春，執到面目全非，對眼大過羅茲威爾外星人！

呢張仲搞笑，P到連欄杆都變形！

呢張出事！

呢張正常！舒淇變白滑肌舒淇趁著好天氣去郊遊，大晒多張靚靚大頭Selfie，不過唔知佢錯手將P圖前後嘅相全一齊貼晒出嚟！原圖中可見舒淇臉上有雀斑，而P圖後臉變得又白又滑，連頂帽嘅字樣圖案都冇埋。之不過舒淇之前都曾多次影自己嘅索顏照，白頭髮同雀斑都出晒嚟，相信佢一時錯手無心之失亦唔會介意，而網民亦都讚多於彈，大讚女神有瑕疵才夠自然！