收數佬入行貼士　要識2文3語仲要有演技？ | 真心膠 | 膠Hub

想轉行做「收數佬」，需要咩條件呢？大隻？夠惡？睇得電視同電影太多喇！現實中嘅收數佬，原來同一般打工仔一樣，要識得兩文三語，仲要有演技！呢兩集嘅《晚吹 – 又要威又要戴頭盔》，就有三位現役嘅收數佬提供入行指南，以為入呢行有得好威威咁周圍去嚇人？你都係唔好咁多幻想喇！
閱讀全文
要做收數佬，第一個條件竟然係要識兩文三語！因為欠債人除咗有香港人，亦有外國人，仲有更多扮唔識廣東話嘅香港人。

你哋點入行嘅呢？竟然係透過「奴供處」嘅廣告！廣告話請「客戶服務員」喎！點知上到去係……收數公司！

「金融業」喎！倫敦金MK都係同人講自己做「金融」嘅！

仲有個好專業嘅名字——壞帳管理！銀行都有風險管理部門，係咪同類？

中間呢位係負責cold call搵客，即係債主，接咗債主生意之後，就幫佢去追債仔還錢，並唔係去「淋紅油」同「放蛇」。

佢仲勁！個職位名叫「談判主任」！唔講以為警隊請人。

呢份工要求求職者「有正義感」，係咪復仇者聯盟請人呀？

估唔到收數公司嘅部門架構咁仔細，有人做cold call，有人follow up，仲有個部門叫「查冊部」！即係負責起底，搵個債仔嘅電話地址。

最現實嘅問題，呢行好唔好搵？有啲人做咗好多年係得萬零蚊個月，有啲人好彩或者叻仔又可以月入六位數。

要做一個成功嘅收數佬，仲需要有演技！打電話追債時要一人分飾「大佬」同「手下」兩角。

最想知佢哋上門追債時會唔會噴紅字？欠債還錢！

佢哋話「大耳窿」嘅犯法嘢佢哋唔做，要「合法」地收數，例如去債仔嘅工作地點搵佢「面談」！

收數佬都有被震懾嘅時候！

原來佢哋都怕死，上門收數要行「孖咇」。

睇片
晚吹 – 又要威 又要戴頭盔
【二汶小劇場


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁