【有片】網民亂抽水激到朱晨麗發火　《特技人》真火燒人真玩命

大台拍嘅劇集經常鬧出笑話，成日穿崩嘅佈景，假到一個點嘅CG特技，N年前嘅古代皇帝飲津路烏龍茶、《封神榜》超假特技，都俾網民恥笑足咁多年！日前劇集《特技人》播出方紹聰（奶仔）演出嘅「火燒人」場面，對大台一向特別mean嘅網民又開「抽水mode」，恥笑呢場戲嘅CG特技假到核爆，又質疑奶仔用替身拍攝，並非親身上陣，點知抽水抽著火水，辣㷫咗佢喺劇中嘅家姐朱晨麗，搞到佢喺IG爆seed反擊，澄清呢場戲係用真火，同埋奶仔親身上陣，大台亦都播出拍攝花絮，力證網民今次真係抽錯水了！
Cap嚟見我
朱晨麗發火！朱晨麗喺IG上載拍攝花絮，力證「火燒人」場面係奶仔親身上陣，而且係用真火拍攝，玩命！

奶仔都有喺自己IG多次share拍攝呢場「火人」戲嘅感想。

奶仔真玩命！大台都有播返呢場「火人」戲嘅拍攝花絮，睇見奶仔嘅玩命式演出，真心驚！
「放火」前，著保護衣、塗防火啫喱！奶仔同工作人員都好緊張！嚴陣以待！

開始「放火」，工作人員噴嘅係真火！

開始拍第一個shot，奶仔要一路俾火燒一路演，真係唔容易。

每拍完一個shot，喺後面stand by嘅工作人員就要即刻「救火」。

咪以為拍一個shot就搞掂，仲有㗎！睇見奶仔變咗火球，太逼真了吧？

愈睇愈驚！好擔心奶仔！

人嚟呀！快啲救火呀！

奶仔真係「瞓身」拍攝，勁專業。

奶仔話本身幕後人員都反對佢親身上陣，畢竟用真火拍攝實在係危險。

不過佢見同劇其他演員拍攝特技場面都唔用替身，個個都好落力，佢都想自己出多啲力！

「火燒人」拍咗幾粒鐘，完全冇用替身。

佢話拍完都有啲暈暈地！仲攰到爆！

佢身穿嘅防火衣好重，而且著咗好多層其他衫，啲衫太重，長時間拍攝消耗唔少體力！真係辛苦晒！

睇片
【特技人】火燒人場面無造假 個個都搏曬命！
【特技人】火燒人場面無造假 個個都搏曬命！


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁