玩連登玩到溝咗個有錢女　公屋仔：識嘅時候冇講背景 | 真心膠 | 膠Hub

成日都話毒L冇女，溝唔到女，但有位連登仔就喺連登識咗個女朋友，但最近發現咗有啲問題⋯⋯肥仔黎玩連登，你又玩連登，點解我冇女！！！！！！
閱讀全文
事情是咁的，有巴打就喺連登某啲Group，識咗個女仔，仲發展成男女朋友嘅闗係。

內文如下：
本身同個女仔係連登D谷識既
咁一直都冇交代過我背景(我只係住公屋同ive仔…)
咁條女個背景好似幾有米(家族8成人都做緊教師)
咁佢應該都唔差，好似做金XXX個堆野啦
佢就住九龍x個頭啦
琴晚去完睇日出，去左柴灣赤柱個堆
咁佢去完話不如買早餐上我屋企食啦…(我當堂嚇左一嚇因為我住緊…港島東窮民區集中地…)
咁我要經過居屋再穿入公屋個類
佢話你住呢到???
我話後面個公屋…
佢當堂黑左少少面，因為佢屋企有鋼琴又生活無憂咁…
之後佢入到我屋，見到我屋企天花殘殘舊舊，又甩甩地咁既款
唉，之後食埋早餐，到下午就走左
返到屋企我話腳累…佢完全miss左我，reply冇左以前既關心問侯
唉…點解會咁
原來窮人勿生仔真係岩，斷左呢代去就會好好
起碼個仔唔會受人白眼先
我邊打呢段文，眼有D濕濕地…唉
返緊工去個廁所洗下面先
唉，都話窮L唔好諗咁多！！！！
啲巴打又點安慰佢？


窮L真係唔好溝女⋯⋯

睇嚟巴打真係好鍾意個女朋友！

巴打咁勁嘅？


好勵志！

唉，巴打加油啦！！！
膠通消息來源：連登
睇更多：
公屋港女要求喺酒店接新娘　網民：幾千蚊都畀唔起學人結婚結婚係人生大事，尤其對女仔。最近有連登巴打準備結婚，係呢個咁喜興嘅日子，佢同未婚妻對接新娘呢個位有分歧，就上連登集思廣益。
巴打做老襯，俾港女要求喺酒店接新娘。
係咁的，呢位巴打就黎結婚，佢未婚妻就係個港女黎，想佢book間酒店接新娘，巴打拆唔掂就上連登集思廣益：

女朋友住公屋，覺得係公屋接新娘好肉酸
想係5星級酒店度接新娘會好睇d
但5星級酒店 真係唔平…點算好?

其他網友緊係紛紛拋出自己意見：

「諗番起當時我家姐係屋企出嫁，多人到逼晒出走廊，門口都入唔到」
「公屋又細，根本逼唔落，玩game都玩唔到，分分鐘仲要執屋執餐死」
「着到咁grand係華富邨到行嚟行去，啲邨民好似睇馬騮戲咁」
「公屋係事實嚟，執乾淨企理，上去拍片影相有咩問題？其實拍得好仲有特色添啦…」

不過都有網友覺得巴打孤寒連幾千蚊都唔俾，話晒都一生一次：

「幾千蚊都畀唔起學人結婚」
「拎多啲錢畀個美好回憶女朋友都做唔到，你算咩男人呀」

肥仔黎就覺得如果真係錫未婚妻嘅，咪俾幾千蚊囉，正所謂錢解決到嘅問題，就唔係問題。一生人一次，都唔差個小小喇。

祝佢地幸福，都順利解決問題，新婚快樂。



[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁