2018落選港姐被迫跳舞　工藤佑采黑面神上身" /> img.wp-smiley, img.emoji { display: inline !important; border: none !important; box-shadow: none !important; h

《2018香港小姐競選決賽》昨晚於無綫電視城舉行，三甲亦終於出爐！不過，睇番港姐決賽佳麗嘅才藝表演，（9）工藤佑采表演劏雞咁拉小提琴，實在值得一睇再提！加上，佢無緣晉級後，要再次出場跳舞嘅黑面表現，亦都非常注目，呢位落選佳麗果然令人留下深刻印象呀！
Cap嚟見我
港姐決賽淘汰佳麗工藤佑采《2018香港小姐競選決賽》三甲終於出爐，不過，今次就梗係唔係同大家講三甲嘅事啦！皆因落選港姐9號嘅工藤佑采實在太搶鏡，非常之值得一提！昨晚，20位佳麗分兩組進行才藝表演，而喺第二組嘅才藝表演中，工藤佑采嘅小提琴表演認真令各位觀眾非常眼前一亮！


工藤佑采所表演嘅小提琴確係神乎其技，拉到幾乎無一粒音準之餘，仲拉到好似劏雞咁，只係難得佢仲可以咁專注同認真睇譜，十分佩服！

睇得出佢真係好落力表演小提琴俾大家聽，只可惜水準就令人跌哂眼鏡。


當佢表演完畢，相信唔少觀眾都鬆一口氣！不過工藤佑采拉小提琴拉到劏雞咁都情有可原嘅，皆因佢自稱細細個學過幾年小提琴，最近先重拾琴弓，為咗顯技，都可算勇氣可加。

表演完劏雞嘅琴技後，工藤佑采都可能自知不妙，眉頭一皺。

落選佳麗要再出場跳舞其後，港姐12強誕生，大熱幾乎全部晉級，而工藤佑彩就無緣晉身。大會之後安排一眾佳麗以泳裝現身問答環節，而八位落選佳麗則要再出場跳舞，淪為dancers。

不過，唔知係咪同已出局同心情有所影響有關，未能晉身嘅八位佳麗皆表現牽強，跳到甩哂Beat！

工藤佑彩出局後跳舞黑面神上身相信心情最大影響嘅就係工藤佑彩，未知係咪因才藝表演失準，未能順利晉級而心情勁唔靚，出場跳舞時佢一直黑面兼零笑容，個樣望落嬲爆爆咁。





出局後，工藤真係面對住鏡頭都唔識笑， 全程跳舞個樣都幾乎係嬲嬲豬咁！


港姐2018賽果  冠軍17號陳曉華2018年港姐冠軍正式誕生， 由17號陳曉華奪得！樣貌身材出眾的陳曉華(Hera)，今夏於中大護理系畢業，更被爆有個明星前男友狄易達！

最後三強！最後由陳曉華攞咗冠軍，由上年嘅冠軍雷莊兒為佢加冕！

上年嘅雷莊兒正式卸任！

 
喺才藝表演環節，陳曉華表演空中瑜珈！






 


亞軍20號鄧卓殷現年23歲的20號鄧卓殷(Amber)除了奪得亞軍，仲攞埋最上鏡小姐，成雙料港姐。Amber畢業於港大建築系，現職是是一名見習建築師。在學期間，她曾在由亞洲權威雜誌Perspective舉辦嘅年度設計頒獎盛事A&D TROPHY AWARD獲獎，同時學咗十幾年中國舞，真係才貌雙全。


亞軍鄧卓殷獲讚泳裝環節騷急才，臨場想到為農夫改新名「播種的機」，引得全場歡笑及拍掌。她謙認賽前做足功課，有找過農夫的背景資料。



決賽當晚，從小習舞的Amber表演強項中國舞，難怪獲星級評判激讚。

Amber笑容甜美，比賽當晚表現自然又有自信，獲亞軍也相當合理！ 

季軍7號丁子田今屆入選港姐20強的佳麗中，7號丁子田(Sara)來頭最勁，除咗係富二代、提名人係導演張堅庭之外，仲有個喺《BB來了》演陪月員嘅姑媽、甘草女星丁主惠，難怪賽前被視為今屆港姐大熱門！不過她在昨晚表現有點緊張，但仍憑住高貴氣質獲得季軍！





 

友誼小姐 8號陳靜堯任小學教師的8號陳靜堯雖未入12強，但在較早前泳裝會見傳媒中，獲20位候選佳麗投選佢做「友誼小姐」，可謂先拔頭籌。



何泳芍、陳苑澄 入5強入圍5強的候選港14號何泳芍（Honey）和15號陳苑澄表現淡定，發揮到水準，其中Honey未能入三甲有點跌眼鏡，連佢自己都話有少少失望！

身形勻稱的Honey，擁有一身古銅色肌膚，任潛水教練的她被問到如何說服鄭裕玲和汪明荃一齊學潛水，Honey話Do姐身形弗爆，著泳衣絕無問題！



在才藝表演環節，Honey一路唱歌一路玩杯子舞！

陳苑澄：邊度跌低邊度企番起身15號陳苑澄賽前因挑戰網上流行的「Kiki Challenge」，在汽車行駛時打開車門落地跳舞，將片段上載社交平台即惹來外界抨擊，她事後喊住道歉，而呢晚她表示父母教佢要邊度跌低，邊度企番起身！




MISSHK
Posted by 睇片集中營 on Monday, 27 August 2018
Capby：東方新地


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁