【假分手？】疑似扮Single選港姐　丁子田撇甩5年男友

:0:0

今年香港小姐2018各奬項塵埃落定，由17號陳曉華摘后冠，20號鄧卓殷獲亞軍及最上鏡小姐獎，而賽前被視作大熱門的7號丁子田(Sara)得第三。睇番Sara喺今屆中都算來頭最勁嘅一個，除咗有導演張堅庭做提名人，姑媽仲係甘草女星丁主惠，感情生活上，7月入選港姐後Sara自爆同男友分咗手，但其實佢喺4月仲孖男友Mark去旅行，6月仲約踩單車，有傳媒質疑佢係咪假分手，不過今日Sara出席活動對此作回應⋯
Cap嚟見我
賽前大熱丁子田屈居季軍今屆入選港姐20強的佳麗中，7號丁子田(Sara)來頭最勁，不過她在昨晚表現有點緊張，但仍憑住高貴氣質獲得季軍！Sara賽後也直言當晚有啲緊張，唔係咁適應鏡頭，所以都影響咗表現。不過佢話攞第季軍都好開心，希望中文有進步！

丁子田本身在才藝表演環節表演彈鋼琴，佢自細學琴當然難唔到佢！

季軍丁子田賽前大熱，不過卻屈居第3，她坦言自己口才失準，加上不諳廣東話所以影響表現，但就冇失望，因為能夠入到三甲都好感恩，參加呢個比賽都畀咗好多勇氣出嚟。佢話自己都係喺外國返嚟一個月，可以講到已經好叻，但都希望呢幾個月學好啲中文可以留港發展。

全家力撐季軍丁子田除獲雙親、嫲嫲現身力撐外，就連姑母兼甘草演員亦丁主惠有現身！對於姑媽丁主惠被指跟TVB高層樂易玲熟稔，Sara直認不諱，但不怕被指靠關係：「實有人咁講，惟有自己再勤力啲。」

「好enjoy single。」賽後三甲即被安排上《後生仔傾吓偈》節目接受訪問，當時主持人問佢哋問嘅感情狀況，當時丁子田咁講嘅：「仲係single，我其實好enjoy single。」另外她亦承認自己希望努力發展事業，所以忍痛與拍拖五年的Mark分手。而冠軍陳曉華都話自己係single，亞軍鄧卓殷承認有拍拖。

7月見傳媒突然自爆分手而喺今年7月初，Sara入選後見傳媒，佢自爆忍痛同拍拖五年嘅Mark分手，話因為會留港發展，想在事業上努力，而「Long D」難維繫，才會分跟男友分開！

但4月仲甜蜜孖住出遊不過喺Sara嘅社交網上發現，今年4月佢仲同男友Mark一齊去新婚蜜月勝地希臘愛琴海的Mykonos小島度假，見Sara同男友啲相好Sweet，日日享受陽光與海灘，Sara晒泳裝，又反拍赤裸上身、正在影相的男友！

唔講真係以為佢去咗honeymoon！

Sara同男友去旅行都有齊齊吸食水煙。

6月仲貼男友踩單車相2018港姐的首輪面試在6月20日，而Sara在6月17日仍身處美國，仲Po咗張Mark踩單車嘅相，當時同緊對方約會。

除咗分享同男友嘅拍拖照，Sara萬聖節約埋女友人齊齊cosplay上陣，黑絲短裙，好誘人！

丁子田也在其社交網分享家庭照，一家人仲有埋毛孩，齊齊喺聖誕樹前影全家福！

有傳導演張堅庭係Sara嘅提名人，選美當晚阿庭約好友丁子田嘅姑媽食住晚飯睇直播，仲話冇試過由頭睇到尾，真係好捧場！

對於被翻舊賬，丁子田話唔介意，又話因為大家都有好多共同嘅大學朋友，所以現時跟對方仍是朋友，仍有聯絡，佢話有諗過刪除合照，但因為是開心的回憶，所以保留相片。Sara說：「佢有恭喜我得獎，大家仲係朋友。」

7號丁子田撇拍拖五年男友任職藥劑顧問的7號丁子田，其姑媽是資深演員丁主惠，提名人是導演張堅庭，被視為今屆港姐大熱門！丁子田賽前透露獨自由美國回港參選，問到男友Mark可有不捨？她自爆跟拍拖5年的男友和平分手：「我哋已經分手，大家實在相隔得太遠。我哋有溝通過，都想各自喺事業上發展，睇睇未來會唔會再有機會一齊。」