港男當眾跪地抆耳仔求原諒　巴打怒吊：條女個H鑲金㗎？

男人之家，居然喺眾目睽睽之下，仲要喺逼到爆炸嘅港鐵車廂入面，喊晒口跪地抆耳仔。俗語都有話「男兒膝下有黃金」。年輕人，到底係乜嘢驅使你跪地求饒？係愛定係責任？究竟個港男衰咗啲乜嘢，可以咁大犧牲，咁樣同女朋友認錯呀？作為你父母又點諗！
閱讀全文
男兒膝下【仲】有黃金？事源有網民承搭港鐵由北角月台轉車搭將軍澳線，當時喺北角站月台等車嗰陣，聽到對情侶嘈到拆天。雖然當時月台好多人等緊車，但個對情侶一於少理，大派花生。


上車之後，對情侶搵位坐低繼續嘈。點知個女仔突然就爆喊，跟住個男仔竟然跪地喊晒口、抆晒耳仔，係咁道歉。

目擊者表示個女子一度想落車，但係個男仔就攞住佢個袋，唔俾女方落車，擾攘咗一輪之後，結果一齊落咗車。

雖然愛情係盲目，之但係堂堂男子漢大丈夫，動不動就跪地，俗語都有話「男兒膝下有黃金」，緊係辣著巴打們啦。睇下網民點講；

網民表示有網民就指「呢個男仔都係無9用，又要去威，又唔帶頭盔。自己檢討下啦，影衰晒男人！」、「不如下次直接訓馬路啦。」

不過，有網民就表示「好肯定條仔做錯好多次，個女仔先會我頂唔順囉」。

其實，呢啲咁尷尬嘅行為，有必要喺咁大庭廣眾嘅地方做咩？

41巴港女其實港鐵又點止一次上演呢啲場面！喺地鐵嘈交算甚麼，嘈嘈吓竟然打起上嚟先叫勁，睇到周圍嘅人完全呆咗！哇！睇個過程，真係好激烈，真係要甘敗下風！

據指，有人喺油塘港鐵站聽到啪啪聲，原來有一男一女嘈交，疑似喺地鐵站互摑！期間有人聽到情侶好大聲咁嘈交，仲見到個女仔摑得好用力，連續打咗個港男幾十巴。


片段中，港女將港男迫埋牆角，仲話個港男出軌，個女仔係咁摑個男仔度，唔知有無打咗50巴，事緣好似係個女仔覺得男嘅偷食出軌。左右開弓咁摑，港男被摑之後仲好急急用手撥番亂咗嘅頭髮，其間都忍唔住還擊咗港女一吓！


港女嘈嘅時候，仲話「十幾條女…你自己搵十條女搞嘢」，個港男講咗句「邊有10個！」係囉，邊有咁多！好多人都望住港女左一吓右一吓，足足數到41吓掌摑啪啪聲。小姐，手唔痛？


不過當時無人幫手同報警，點解？有花生當然係食咗先啦！


啪啪啪
Posted by O咀新聞台 on Thursday, 26 April 2018
人哋港女14巴，今次刷新41巴！勁！
經典14巴港女
但正所謂「清官難審家庭事」，大家當食花生算啦！

 


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁