港姐終於衝出香港拍外景　網民：嘩！好X遠喎！

今年港姐嘅外景拍攝地點，由以往嘅出埠，變咗移師西貢…唔係越南嘅西貢，係將軍澳電視城隔離嘅西貢……引來全城強烈恥笑，連歷任N屆港姐司儀嘅獎門人曾志偉都忍笑：「乜咁遠呀？」唔知係咪柴台得太犀利，定係一早有安排啦，Any肥，今屆港姐日前終於衝出香港拍外景了！目的地係——羅馬競技場！So99y此「羅馬」並唔係意大利嗰個，正確座標係……澳門漁人碼頭！
Cap嚟見我
喺以前嘅年代，唔少靚女參選香港小姐嘅原因都係貪「免費旅遊」，因為以往嘅港姐外景場地真係好揼本（咪又係贊助商俾錢啫！），唔係去歐美，就係去日本，有得旅行，又可以留倩影，真係幾吸引！不過，2013年部分佳麗北上去潮洲、舊年去台灣，就被批評係大縮水！點知一谷還有一谷低……不要再說了！


2017年去台灣，大台都已經俾人話孤寒

今年嘅港姐外景場地——「羅馬競技場」

「羅馬競技場」，位於澳門漁人碼頭，即日來回，快捷方便！

嘩！今屆港姐嘅候選佳麗雲集「羅馬競技場」

呢位佳麗係咪沉思緊點解今年外景冇得搭飛機？

其實都幾有「異國」風情呀！

好宏偉呀！澳門個個娛樂城都係咁㗎啦！好出奇呀？

介紹返！今屆嘅「影後」們！

理想與現實系列，一睇後面個景就知唔係歐洲

呢個景係咪想扮歐洲酒莊？

今年過大海去馬交！網民話不如下年去「環遊世界」——深圳世界之窗！

Cap by ：澳門漁人碼頭 Macau Fisherman’s Wharf Facebook、TVB、網上圖片


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁