打俾女友80次都唔聽電話　巴打：究竟我做錯咗啲咩？ | 真心膠 | 膠Hub

:0:0

女朋友唔聽電話，究竟係發生咩事？好多時巴打喺無形中，唔知點解會得罪女友十萬八萬次。今次巴打就聯絡唔上自己女朋友喎！閱讀全文
事情是咁的，巴打打電話去女朋友，點知瘋狂俾人Cut線，但佢唔知究竟發生咗啲咩？

內文如下：
我一打過去一係就cut我線一係就無人聽
兩日打左八十幾次但唔知自己做錯啲咩
見到佢ig話都唔係第一次
好無去佢屋企樓下揾佢？
揾啦如果唔係就咁無左個女朋友
打左咁多次佢唔聽就算啦
當巴打問樓主兩日前發生咗啲咩，樓主就話⋯⋯

原來
前日去左接佢收工，然後佢話想食雞煲就同左佢去食。
但有小插曲，食飯嗰時我同佢講今個星期六有同事聚會，其中一個女仔係佢好唔鐘意。因為個女仔之前寫卡比我，講野過界，所以一直我都避開佢，因為怕女朋友唔開心。
不過今次同事聚會係因為有兩個好熟既同事要quit，所以我好想去，但點知嗰條女又去。但係我都係同女朋友講如果佢介意我就唔去，但佢諗左一諗就話：「是但啦」最後就繼續食野。
究竟佢錯啲咩，肥仔黎冇女朋友，唔知究竟佢有咩錯！

咩是但唔係真係是但？

樓主話

我話到時再睇下點然後佢無出聲
但係我講左如果佢介意我就唔去

唔洗人講出口！

喺連登表白？

係呀，口不對心佢最勁！

有冇人有計仔幫吓佢？
膠通消息來源：連登
連登仔慘被阿婆屎忽坐面　巴打：架小巴好似玩緊F1賽車咁坐小巴成日都會見到司機飛車，未等人坐好就開車，未落車佢又關門。肥仔黎仲見過車未停定，有人就衝落車，最後⋯⋯危險程度高達10粒星！有巴打今次坐小巴就遇到一件好可怕嘅事，一世難忘！
事情是咁的，巴打就話咗個Post「X你老母岩岩搭小巴錫左落啊婆個屎忽到」，睇到呢度，原諒肥仔黎笑到透唔到氣！事緣，巴打就搭小巴，佢就坐咗喺最後嗰排出面個位。

內文如下：
事緣上車已經冇晒單人位，不過都算好彩，最後果排仲有兩個空位
因為我算早落車，所以坐出面果個位方便落車。
咁架車就繼續開，啲位就陸陸續續就坐滿。因為架小巴係高椅背同我坐最後排嘅出面，小巴司機一度以為滿座，但我又毒得濟唔敢出聲提司機
之後再下一站，有人落車，但有更多人等住上車，當我儲緊勇氣諗住提司機嗰陣，前面單人位個啊嬸已經大叫左出尼：「司機，後面仲有個位啊！」
我即刻心諗：今次X街，依家搞到我好似專登霸住個位咁
上車嘅仲要係個啊婆，我即刻勁尷尬，坐邊小小轉對腳出去，等啊婆易啲行入去諗住拎番啲印象分。
肥仔黎：件事來到呢度先到高潮！

內文如下：
點知個啊婆妹下妹下行到鬼死咁慢，個司機都唔知嬲我定燥個啊婆，啊婆一路妹佢就一路輕踩輕踩試探個油門，想去想去咁
妹左差唔多成十秒，啊婆終於妹到黎最後排，轉緊入個窗位（同我成一直線）。突然個司機大叫：「坐穩啦啊婆！」
屌你老母我即刻心知不炒，一路想轉番正個身頂住啊婆，一路大叫：「啊婆未坐好啊X！」
個「未」字先講到咀邊，架車已經「雄」一聲咁飛出去，我屌你老母我剩係轉得切個頭，手都未趕得切提起，啊婆個屎忽已經以等同於小巴嘅加速度飛向我塊面。我個「未」字先講到一半，啊婆個屎忽已經貼住我塊面，將我個「未」字完全消音。
肥仔黎：笑一笑，透啖氣，睇埋最尾！

內文如下：
最X街嘅係個啊婆想掙扎企返直，但又完全唔夠力，最後變左個屎忽係我塊面到妹下妹下。我依一刻個腦係完全空白左，視覺嗅覺觸覺好似已經同大腦切斷左聯繫。我惟一知道嘅就係架小巴好似玩緊F1賽車咁不停雄雄聲咁去。
唔知過左幾耐，啊婆坐低左，拍一拍我膊頭話：「後生仔，唔好意思啊，啊婆腳仔軟。好彩有你咋，唔係我實整親，你真係好人屎架姐」
我一聽到個屎字，我真係即刻崩潰，啲感官開始返黎，我開始聞到遣留係我塊面上嘅啊婆屎味。依一刻，我真係想即刻落車唔好係架車到，我九秒九叫司機有落然後衝左落車。
我望住個天，情不自禁深呼吸嘆左口氣。X街，啊婆浸味仲係揮之不去。我再次仰天長歎，睇黎未來三年我都唔洗賭錢了。
請問各位巴打有冇咩僻邪方法比我鎮一鎮？
睇到呢度，地鐵啲人已經以為肥仔黎係痴線，笑到咁！
其他巴打又有咩留言？