喺旺角拍戲冇人認得　巴打：古天樂喺夜晚有保護色！

:0:0

紅足25年仍然型爆的古天樂，四月攞埋香港電影金像獎影帝，依然未有時間停落嚟，電影一部接一部，近日又趕拍電影《犯罪現場》，同已經16年冇合作的宣萱再演情侶。日前，古仔拍足全日外景，由上環拍到落旺角，夜媽媽在逼滿人的旺角鬧市行來行去拍攝，竟然冇途人認得身邊呢位當紅影帝，唔通黑漆漆嘅夜晚配黑皮膚真係⋯⋯
Cap嚟見我
拍親都是大製作的古天樂，近日就忙於趕拍自己公司「天下一」有份投資的電影《犯罪現場》，更同宣萱自《尋秦記》後相隔16年再合作。

晚上八時旺角道逼滿人，但古天樂在大街大巷拍戲，企正人堆中依然冇人認得佢，保護色真係好有效!?古天樂怕熱到暈低在新戲演大賊的古天樂，戲中有不少動作場面，古仔開拍時已經表示:「我唔怕拍動作戲，但大熱天時拍外景，最驚會熱到暈低!」

同今屆金像獎最佳新人凌文龍一起行過馬路，一樣冇人認到。日前，古天樂拍足全日外景，由上環荷李活道拍到去旺角鬧市，三十幾度高溫，古仔仲要著住長袖厚褸，真係睇見都熱，難怪每拍完一個鏡頭，古仔已急急返上車涼冷氣慎防中暑!

因為要由街頭拍到落街尾，當晚古天樂出動兩架七人車，分別停泊在街頭街尾stand by，方便他隨時可以跳上車避開人群。

古天樂同宣萱自01年《尋秦記》後，相隔16年先再合作拍電影《犯罪現場》，戲中演大賊的古仔，為幫自己洗脫罪名，潛伏在一大廈單位暗查案情，亦因此同演有視障的包租婆宣萱擦出愛火花。晚上約八時許大隊轉場到旺角街頭取景，古仔喺逼滿人的鬧市，由街頭行去街尾來回拍攝都竟然冇途人認到佢，keep 住曬黑皮膚多年的他，晚上如同上咗保護色一樣，但原來近日忙於拍戲少咗時間曬燈的他，亦有諗過想變白啲。

下午三時許，古天樂現身在上環荷李活道拍電影外景，每拍完一個鏡頭，就有四個人護住佢行去上車，相當大陣仗。據知情者透露:「古仔以前皮膚好白，咁多年嚟都keep住曬燈曬黑啲皮膚，但呢排佢因為太忙，少咗時間曬燈，皮膚冇以前咁黑，好多人都讚好睇，令佢忽然有衝動，想自己白番啲。」

新戲製作龐大，喺街拍幾個鏡頭，已經封咗成條街攞景。拍攝大陣仗

低調投資13年投資開設電影公司「天下一」，近年又開埋經理人及製作公司，仲做埋演藝人協會會長，最近又出錢贊助香港藝術中心的電影院，並命名為「古天樂電影院」，會播映一系列港產片。古天樂已經唔再局限自己做演員，更積極培育電影幕前幕後人才，扶助香港電影業。

在上環荷李活道拍了約 3小時，大隊轉場去附近文武廟再拍攝，大熱天時包到冚拍外景，講到明最怕熱到暈的古仔，拍完一個鏡頭就上七人車散熱!連拍三場口

據知情者透露:「雖然不停入股同收購電影後期製作公司，但古仔份人好低調，佢唔會多講，好似『天下一』旗艦電影公司，都係用媽媽名登記，開嘅經理人同宣傳公司，就交畀好友兼經理人 R o n n i e 負責 !」不過點低調都好，古天樂對電影熱誠大家有目共睹。

近日無線深夜重播古天樂宣萱 99年合作的《刑事偵緝檔案IV》，勾起唔少人集體回憶，唔少觀眾大讚兩人合襯，這套劇更令二人分別拿下無綫視帝視后，可說是無綫歷年經典作之一。

紅足25年仍然型爆的古天樂，四月攞埋香港電影金像獎影帝，依然未有時間停落嚟。

古天樂拍足全日外景，由上環荷李活道拍到去旺角鬧市，三十幾度高溫，古仔仲要著住長袖厚褸，真係睇見都熱。古天樂出錢出力低調行善今年首嚐影帝滋味的古天樂因2008年目睹汶川地震摧毀咗好多人嘅家園，決定成立「古天樂慈善基金」，私下都經常跟進同了解興建學校慨進度，確保唔會出現豆腐渣工程。曾有記者致電詢問「在大陸捐建60幾間學校花咗幾多錢？」古天樂唔肯透露：「我只係本著做善事嘅心，唔想講錢，亦冇目標要捐建幾多學校。」仲話自己有小小成就，有能力就幫忙，亦會一直做落去。據知古天樂至今已斥資興建99間小學，並捐贈18間醫療室、750口水窖同1座小水利工程，捐款超過2,425萬。

｜斥資興建近百間小學

古天樂在內地興建咗近百間小學，學校遍及廣西、甘肅、貴州與四川等地。

爾冬陞曾列出古天樂喺內地興建嘅學校名單，水蛇春咁長。｜曾幫「大佬B」還巨債除咗低調做善事，古天樂喺圈中仲幫助過唔少人度過難關，「大佬B」吳志雄曾經公開感謝古天樂喺佢最困難時支持佢，據知大佬B喺99年投資失利，蝕咗近億元，古天樂因為喺未紅時曾受過「大佬B」恩惠，所以幫佢還清巨債。此外，仲有指古天樂為感謝《陰陽路》監製南燕多年前嘅賞識，當對方患病時，一直喺經濟上支持對方，仲會久不久包機票、酒店請南燕一家去旅行。