天文台FB勁跳拜神舞抽水　網民：跟得好貼喎！

容祖兒早前同古天樂齊齊為電器店拍攝網上廣告，同一班港、日少女舞dancer又唱又跳《今期流行》改編版，仲將經典嘅「拜神舞」重現！影片迅即瘋傳，網民勁興奮！連天文台個Facebook小編都忍唔住趁下熱鬧，惡搞一下「拜神舞」。
Cap嚟見我
天文台Facebook出嘅抽水post，以「天氣家族」嘅其中一個角色「紫外妹妹」做主角，學古仔咁喪跳「拜神舞」，admin仲話：「今期流行仲唔係本妹妹？近排天氣酷熱，加上紫外線橫行，戶外活動前記得去啱啱變咗身嘅天文台紫外線資訊網頁睇睇先，入面有齊即時紫外線指數、曝曬級數、實時UV觀測，仲有防曬小貼士」，抽水抽到維港都乾！

「紫外妹妹」真係跳得好過癮，勁得意！


仲要落埋hashtag #本妹妹跳得好唔好先、#但都好想睇元祖再跳一次、#竟然無跳傷害我感情，似乎對古仔堅持唔肯喺廣告入面「拜神舞」感到不滿喎！


天文台自從開咗Facebook之後，佢嘅小編作風貼地，對網絡新聞又跟得貼，好得網民歡心。

經常同網民打成一片，吹水吹得好開心！


連紫色係今年嘅「Pantone年度之色」 都知，呢個Facebook小編真係做足功課，唔該加佢人工！


喺天文台FB召喚King Jer係咩玩法？

容祖兒、古天樂、一班港、日少女舞dancer 將經典嘅「拜神舞」重現！

古仔幾時肯開金口唱《今期流行》？點樣先肯跳「拜神舞」呢？



膠通消息來源：香港天文台Facebook專頁


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁