過氣韓星爛賭欠債連累街坊　網民：咁少錢都還唔起？

鏡頭前嘅韓星，個個都受萬千粉絲擁戴，好似好風光咁！但係韓國演藝圈嘅新陳代謝極快，過氣偶像嘅近況係點嘅呢？ 韓國媒傳最近爆出，一名90年代出道，擁有外國國藉嘅女團成員，今年6月喺首爾廣壯洞嘅賭場欠下6億韓圜（約420萬港元）賭債！因而被有關當局起訴，事件引起韓國網民議論紛紛，個個神探上身估邊個係案中人！
Cap嚟見我
其中最多人估嘅就係元祖級女團「S.E.S.」Eugene與Shoo，不過Eugene所屬嘅經理人公司已經出面澄清，話現正安胎中嘅Eugene冇可能會去賭錢。

期後網民將茅頭指向「S.E.S.」另一成員Shoo，Shoo亦坦承自己就係當事人，並且為連累好友Eugene受牽連而道歉。

Shoo 話事緣係今年6月，佢跟朋友入賭場見識，對賭博唔太認識嘅佢，喺好奇心之下就玩埋一份，但由於唔熟悉遊戲規則，所以輸咗一大筆錢！後來因為還唔起錢，又再借錢債冚債，加上個人因素需要借錢，個雪球愈滾愈大，最終欠下6億韓圜！

Shoo話而家終於明白賭錢害人，強調一定會償還債項喎！不過身為曾經當紅嘅韓星，四百幾萬港紙都還唔起，睇嚟佢都唔係咁風光喎！

Shoo嘅所屬公司本來已經幫佢否認事件，但Shoo突然將Instagram賬戶設定為唔公開，引起因網民懷疑，紙包唔住火，Shoo最終亦承認欠債。

「S.E.S.」屬第一代走紅嘅韓國女團，活躍喺1990代尾年至2000年代初，成員包括：Bada、Eugene同Shoo。

組合喺2003年解散，2016年曾經短暫重組。

組合解散後，Eugene成功轉型為當紅演員，係最成功嘅一個，至於Bada同Shoo亦有繼續留喺演藝圈發展。

3個之中，Eugene最紅，仲就快生第二胎！

呢個係Bada，仲有出碟唱歌㗎！

Shoo已經係3個仔女嘅媽咪！

膠通消息來源：NOW news今日新聞、網上圖片


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁