網上求分手大法　巴打：佢屋企好窮仲做埋啲19工！ | 真心膠 | 膠Hub

:0:0

以前古代就有「竹門對竹門，木門對木門」嘅講法，但到咗21世紀，其實仲有冇呢啲想法呢？有位巴打就喺連登出Post話佢條女太窮，想分手！
閱讀全文
事情是咁的，有巴打就喺連登出文「條女好窮，想分手」。佢就話拍咗三個月拖，先清楚女朋友家底，呢一刻，佢想飛甩佢！

內文如下：
拍左三個幾月
拍左拖先知佢屋企好窮
兩老咬老綜住公屋屋企差人幾萬
廿中仲返緊D 19 sale工一皮 6days
佢一個月支出如下：
3000家用
1000上網買野
2000食車錢
3000還債
即係你當佢一個月儲到1000
但佢就自稱好有上進心
話想同我儲錢結婚租間樓同居生小朋友
我心諗就儲你老尾X咩靠你就成頭家含L食二手飯都似
想分手應該點同佢講求教
佢就向連登巴打請教，點樣分手係最好！

咁唔少巴打都幫佢出謀獻策！

肥仔黎幫你搞大佢！

一齊共唔到患難，就唔好喺一齊！

你咁講得，咁都唔係好鍾意佢啫！！！

你都咁諗，放生啦！

膠通消息來源：連登
[史上最強]港女終極分手大法　巴打：你想我點L應你！肥仔黎不嬲都覺得港女嘅心思係好難去估，有時佢哋講嘅嘢係佢哋自己先明真正意思。有巴打就Cap低咗佢同女朋友嘅對話，睇完先知真係一山還有一山高！肥仔黎想講句：放手，放開所有！
各位巴打，你睇唔睇得明，以下巴打女友講嘅嘢？

究竟，咁多點係想表達啲咩？喂？手痕？叫我？定玩嘢？最大問題，原來依啲點已經暗藏殺機！依位巴打就冇應到，個港女過咗三個幾鐘就問：「做咩唔應我」可能巴打當時都躁躁哋，或真係唔知講咩，佢就打咗句「你想我點應」。

個港女就一個「。」句號就KO咗巴打，仲話「有冇讀過中文，句號咪姐係講完」。之後港女就覺得巴打完全唔明自己諗咩，溝通唔到，所以話「我哋分手喇」。所以今次個巴打就俾一堆點同句號KO，仲分埋手。可算是史上最強嘅港女終極分手大法。肥仔黎覺得：巴打唔好Sad，肥仔黎陪你做單身狗！
膠通消息來源：LOOXjhk，Greatdaily
各位巴打，如果你女朋友喺大馬路叫你跪低道歉，會唔會跪？可能任何人對依個要求都會覺得誇張，喺浙江有一對情侶，佢哋喺高速公路嘈交，女方情緒激動，仲堅持要男友下跪認錯，結果…
有片！！

片中見到有架白色私家車停咗喺高速公路上，所以警察就上前睇吓發生咩事。原來係有情侶嘈交，女方質問男方：「你係咪唔覺得自己錯？」男方：「我錯了我錯了。」女方下一句竟然話：「跪。跪唔跪？唔跪你唔好走！」

男：「你係咪一定要我跪？如果我跪咗，我哋係咪可以分手？」女方話只要男方下跪，分手都可以。一講完依句，個男人就立即下跪：「我哋分手啦！」依個時候，個女人先話：「你係為咗分手先跪？」男方說，「係。」

可能女方冇諗到男友真係跪求分手，因為佢哋情緒都失控，仲話要自己開車離開。究竟，個巴打做錯咗啲咩，個女人先要求佢跪呢？可能睇得美少女戰士太多：「你你你快跪下！」

膠通消息來源：巴士的報
肥仔黎覺得，女朋友少少港女唔緊要，千祈唔好係「極品港女」。如果唔係一陣喺街上賞你奴才18巴，又叫你跪，面都冇埋。

所以今日肥仔黎益你，隨文附送一個極品港女性格鑑定表，等你早啲望清你周圍有冇妖魔鬼怪。
每中一樣加一分，開始！

1. 食咩又話是但，你㨂咗，佢又厭三厭四（肥仔黎：大佬，有冇餐廳叫是但）
2. 永遠相機食先, 影完嘢食都凍埋（肥仔黎：你有幾耐冇食過熱嘢）
3. Post張相上IG，就會唔理人，瘋狂修圖
4. 電話有唔同嘅美顏相機APP（肥仔黎：較Filter都係一門學問）
5. 又想你就佢，你話「冇所謂」，就話你冇主見
6. 自已就收兵，但又唔中意你同女仔whatsapp（肥仔黎：偷睇我電話係唔啱架）

7. 無論你錯定佢錯，都要氹番佢
8. 外表鬼妹性格, 內裏唔open。見到鬼佬就即刻鬼妹性格, 對住你就港女性格
9. 要你好痴身，如果佢搵你，你立刻覆佢（肥仔黎：慢一秒你都GG）
10. EQ唔高，輕則黑面，大則發脾氣喺你身上
11. 戶外運動都著高踭鞋（肥仔黎：腳痛又要你負責）
12. 成日話自己好肥,唔中意出汗，又唔去做運動