King Jer娛樂台FB一度被消失　巴打：好大機會係得罪陳生！ | 真心膠 | 膠Hub

:0:0

King Jer娛樂台相信大家都唔會陌生，喺呢個FB大家可以睇到好多娛聞，但有人發現King Jer娛樂台FB一夜之間消失咗！雖然而家冇事，但究竟佢個FB做咩死咗？閱讀全文
肥仔黎平時都有望吓King Jer娛樂台，因為瓊姐有時寫嘅嘢，真係好好笑！

冇睇過嘅巴打可能唔知，瓊姐個FB都有37萬Fans，係大戶嚟㗎！

但有巴打就發現自己睇開嘅King Jer娛樂台FB，一夜間消失，連Search都Search唔到！喺facebook上搜尋，喺Google Search都入唔到喎！

喺FB只係顯示，連結可能已過期！究竟發生咩事呢？唔通係FB故障？連瓊姐自己都喺IG講咗自己唔知發生咗咩事！

雖然呢刻，個Page就出現返，但究竟係發生咗咩事？
但有巴打就根據瓊姐IG近一個月做出分析，佢哋仲講埋瓊姐FB被消失嘅原因，仲講得頭頭是道。內容如下：
喺尋日，King Jer娛樂台最後一篇文就係泰國足球少年獲救嘅消息。

瓊姐

全數獲救不過，早前一名自願參與救援嘅前海豹隊成員 Saman Kunan 不幸殉職，當時佢將氧氣樽留低，自己回程嘅時候無準備足夠嘅氧氣樽，最終缺氧，搶救不治。
犧牲生命去救其他生命，不要忘記呢位英雄，仲有其他來自各個地方嘅拯救員，salute to all of you！

巴打話「正常呢類新聞就冇事」，因為全世界都講！
TVB綠葉演員結婚

瓊姐

恭喜恭喜！兩位綠葉演員陳榮峻（62）同吳香倫（57）今日正式行禮結婚喇！佢地喺一間天主教堂行禮，宣讀誓詞、戴上婚戒、揭開頭紗、輕輕一吻…… 剩係睇相都覺得感動！而一班圈中人都有去觀禮，好似羅蘭姐、夏蕙姨，前排晚晚喺「刑事偵緝檔案」都見到嘅「大妹」（陳美琪）都有去！

鍾嘉欣宣布有BB

瓊姐

老公曾經話想生夠四個，嘉欣早前已宣布懷第二胎，今日就宣布係仔嚟，恭喜晒嘉欣！一仔一女湊夠好字！

巴打就話呢啲開心新聞King Jer成日都出，咁開心，點會出事！
黃子華棟篤笑

瓊姐

子華 1990 年喺文化中心第一次開棟篤笑，乜經驗都無，又無人幫手。當年好兄弟林祖輝幫佢拎 form 入紙申請，又幫佢宣傳，喺油麻地貼街招，去尖沙嘴拉 banner，非常熱血！
去到 2018 年 7 月，子華喺紅館連開廿幾場棟篤笑，已經大把人幫佢手。而呢份情，林祖輝同子華兩個好兄弟仍然記得，林祖輝日前專登去睇子華騷時，喺後台合照喊晒，場面勁感動！
男人成功背後何止有女人，仲要有好兄弟！So sweet bro！

串張敬軒扮女人

瓊姐

樂壇天后降兩度琴晚舉行處女紅館騷，歷時大半小時，堪稱紅館史上最短演唱會。
演唱會雖短，但美腿卻長。衰妹為搶盡眼球，不惜以性感造型現身，於後台徹底清除腳毛後，穿上誘人 PE 褲登場，為夏天帶來44吋白滑美腿，更經常有意無意烏低身鞠躬，露出堅挺好生養的臀部，更不慎透視出跩跩底褲邊，有前有後引得男觀眾發出「嗚呀！嗚呀！」的叫聲，令在場記者拍個不停，呢位降兩度可謂心機婊。
與降兩度不和的天后容祖兒，則擔任另一位歌手張敬軒的演唱會嘉賓，有傳祖兒與降兩度於後台狹路相逢，更不屑互藐，妒忌對方擁有美好身材。

巴打：「雖然瓊姐拎佢哋開玩笑，但佢哋咁大方，唔會有事嘅！」
楊思琦寫真Post

瓊姐

楊思琦（39）離開 TVB 之後，以自由身接 job，一個單親媽媽獨力養大 6 歲囡囡 Krystal。
為個囡打併，有時都要為自己嘅青春留倩影，日前佢就決定拍一本寫真：「sell 健康性感，靚行先！」睇番佢 03 年 24 歲時嘅一輯泳裝相，兩輯相完全可以魚目混珠！真係 keep 得好好。
其實思琦妹當年好把炮嘅，佢係史上獲獎最多嘅港姐，佢參加 2001 年果屆，自己一個拎晒六個獎，包括冠軍、最上鏡小姐、網上最奪目小姐、纖體美態獎、最甜美笑容佳麗獎同最修長美腿佳麗獎。

巴打話，雖然瓊姐出嘅楊思琦有啲清涼，但FB最多係Del Post，唔會成個Page冇咗。
分析到最後，巴打搵到一個月前嘅一個Post，出咗個最終結果，佢哋話瓊姐應該係得罪⋯⋯
串叻哥冇份講波