【分析明燈】世界盃最後2場大戰　下屆2022年可能佢地都唔會再踢 | 真心膠 | 膠Hub

世界盃話咁快就去到冠軍戰，每年世界盃都有好多明燈，同埋忽然球迷。就算一向霸道嘅女朋友們都會放過一班巴打，齊齊睇波，佢地睇仔巴打睇波，各司其職。話咁快今晚就係季軍戰，唔知大家又撐邊隊呢。閱讀全文

季軍戰　比利時 Vs 英格蘭季軍戰將會係比利時VS英格蘭，14/07（星期六）晚上10點開波。雖然佢地之前都係G組，亦都有交過手，上次比利時靠住贊奴沙小勝1：0。不過當時其實大家都唔想贏，想走下線對弱旅多啲，所以兩隊當時都無冇擺出主力，今次季軍戰有望睇到佢地全力對戰。
另外季軍戰一向都攻勢緊張，有數據指出近10屆季軍戰都入幾多波下，上屆荷蘭就3：0大勝巴西。而2010就由德國以3：2力挫烏拉圭。

最重要嘅乜！最重要係最後呢2場世界盃大家終於唔洗挨夜，晚上10點啱晒香港人一班朋友食完飯直落睇波。

當然今晚上陣嘅球星都好多好大牌架，仲俾球迷視為英超明星賽，話今場係本土明星對外援明星隊。因為英格蘭全部球員都係英超，而比利時就有好多英超外援，包括曼聯嘅盧卡古、費蘭尼，車路士嘅夏薩特、泰拔高圖爾斯，曼城嘅奇雲迪布尼、高柏尼，熱刺嘅迪比利、維頓漢及艾達韋列特，最後仲有查迪尼及米奴列。對英超迷黎講真係不容錯過。

上圖係比利時助教，前阿仙奴球星亨利。
下圖係曼城隊長+比利時中堅高柏尼。


比利時9號盧卡古
決賽　法國 Vs 克羅地亞今屆最後一場亦都係最矚目嘅賽事一定係冠軍戰！今次冠軍戰將會係法國VS 克羅地亞。
克羅地亞係隻好黑嘅黑馬，佢地突破20年黎嘅魔咒，第一次打入決賽，仲大勝阿根廷3:0。冇人估到佢地可以全勝進入淘汰賽。

雖然佢地經歷一輪苦戰，連續3場都踢加時，2次靠12碼勝出。真係好頑強，好勵志嘅故事。計翻時間克羅地亞足足俾對手法國踢多一場比賽，加上休息時間都少一日。真係唔知佢地仲有冇氣去踢埋冠軍戰。

克羅地亞教練 達歷係贏到比利時之後嘅記者會咁講：

沒有人在我準備陣容時想認輸，沒有人想跟我說他未準備好應付加時，沒有人想被換走。

克羅地亞背水一戰，先輸一球之後，到追平，再堅持到補時翻超。佢地嘅耐性同堅持真係好值得我地欣賞。

講起法國，如果今次佢地勝出就會係佢地第二次捧盃，法國今年憑住效力巴黎聖日耳門嘅麥巴攻入3球。呢位19歲超新星披上法國10號球衣，潛力無限。 
不過係4強對戰比利時嘅個場令到大家都好唔鍾意佢，雖然佢個人7次成功突破，為隊友創造6次射門機會，仲有下半場後腳妙傳基奧特埋門。完全展示到佢19歲就入選國家隊，身披10好戰衣嘅實力。

可惜佢最後佢為拖時間，拾波冇俾比利時球員，反而拋到場內拖延時間。種種行為都十分缺德，冇體育精神。

雖然最後法國小勝1:0，但係好多人對呢位超新星同埋法國都好失望，本來支持法國嘅肥仔黎都希望克羅地亞呢隻大黑馬，可以贏到法國，起碼佢地嘅堅持同頑強，以及不放棄嘅體育精神擔得起世界盃冠軍榮譽。
今屆世界盃都去到尾聲，下屆世界盃嘅消息都開始公布，2022年世界盃將會係卡塔爾舉行。但係因為卡塔爾屬熱帶沙漠氣候，常年炎熱乾燥，夏季氣溫高達攝氏45度以上。世界盃可能改到冬季11 月 21 日至 12 月 18 日期間舉行。

但係因為卡塔爾屬熱帶沙漠氣候，常年炎熱乾燥，夏季氣溫高達攝氏45度以上。所以為球員身體健康考慮，FIFA 最終決定係冬天舉辦世界盃，而卡塔爾冬季氣溫大約25 度，非常適合足球比賽。因此世界盃被改到冬季11 月 21 日至 12 月 18 日期間舉行。

不過冬天世界盃會同好多其他頂級比賽撞期，例如歐洲五大聯賽，當中有關上陣用人方面，球會以及國家隊一定會產生矛盾。

所以下屆世界盃未必會有咁多球星上陣，唔少球會都好可能唔放人，又或者球員根本唔想踢，驚影響球會聯賽或歐聯等成績，大家要好好珍惜今屆星光熠熠嘅季軍戰，以及刺激嘅冠軍戰。



[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁