【人類總是…】慎防倫敦金美人計　切忌用下半身思考胡亂狗衝 | 真心膠 | 膠Hub

警方高調拘捕倫敦金Sales， 加上最近嘅一名港男被「Angel」秒騙二百萬事件，令「倫敦金美人計」行銷手法再度成為網民熱話！更有熱心網民設立Facebook專頁，羅列出一眾「倫敦金囡囡」嘅特徵同資料，等男士們，尤其係一班小毒L唔好咁易中伏！根據網民所整合嘅資料，呢班「倫敦金囡囡」多以「投資部總裁」、「市場部副總裁等霸氣嘅title嚟「撻朵」，最低級都叫自己做「倫敦金經理」、「投資經理」，同佢哋年輕嘅外表違和感極大，總之就成間公司都係「高層」啦！唔知就嚇死，知道真相就笑死！

閱讀全文
呢班「偽高層」，實為「下線sales」，佢哋經常喺FB貼出大量名牌手袋、珠寶名錶曬命，向目標「獵物」展示「實力」，等佢哋容易啲落搭！實情係，呢啲貴重物品，只係呢班「下線sales」向公司借返嚟嘅道具，用嚟騙取受害人嘅信任，真正能牟取暴利嘅，就只有公司嘅「真．高層」，班「下線sales」都係公司嘅搵錢工具嚟㗎咋！

「倫敦金囡囡」最常用嘅「釣魚」方法，就係利用WeChat嘅「附近的人」交友功能去結識男性，呢啲囡囡嘅相片通常都係年輕貌美、身光頸靚，引誘到班男人暈晒浪，但係，操作呢啲帳戶嘅並唔一定係女人！有啲男Sales會用靚女同事嘅相嚟搵獵物㗎…hehe…


當受害人同騙子「相處」一段時間後，如果受害人想約「倫敦金囡囡」見面，呢班「囡」通常都會諸多藉口去推搪，皆因呢個WeChat帳戶嘅操作者可能另有其人，並由呢個人實際執行騙局，就如「Angel案」咁，受害人連個女仔隻手指尾都未掂過，就傻下傻下俾人呃咗二百萬了！


除咗男人，倫敦金騙徒嘅另一種獵物就係長者！呃長者就仲簡單，假意嘅噓寒問暖，關心一下寂寞老人，扮下乖乖仔乖乖女，咁就搞掂啦！

各位精明網民，睇到呢度，相信你哋已經強烈恥笑緊呢班騙徒同受害者！提返大家，無論幾想識女仔都好，切忌只用下半身思考，執返個腦先，請勿胡亂狗衝 ！

唔好話唔再提你哋！執返個腦先，請勿胡亂狗衝 ！


佢哋經常喺貼出大量名牌手袋、珠寶名錶曬命，向目標「獵物」展示「實力」，等佢哋容易啲落搭！


年輕貌美、身光頸靚，引誘到班男人暈晒浪


操作呢啲帳戶嘅並唔一定係女人！有啲男Sales會用靚女同事嘅相嚟搵獵物㗎…hehe…

膠通消息來源：「香港倫敦金騙案」Facebook


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁