癡情教練為女死為女亡　網民：5000蚊都冇學咩人溝女 | 真心膠 | 膠Hub

呢單可能係你聽過最無釐頭嘅新聞，肥仔黎真係估都估唔到有人會用玩具槍，打劫7仔。
閱讀全文
有兼職游泳教練同一名女同學關係密切，視對方為女朋友。對方後來退學返回內地，更聲稱自己被綁架要求教練付贖金。游泳教練誤信女朋友被綁架，用玩具槍打劫7仔。

去年5月，有兼職游泳教練誤信女友被人綁架，佢冇理屋企人嘅勸告。去年5月22日凌晨5時搶劫油麻地上海街一間7仔。用玩具槍奪取5650現金去救女朋友。結果對方收錢後就消失。

23歲被告李X然細個被確診有亞斯伯格症同專注力不足及過度活躍症（ADHD），但係醫生話佢冇被病情影響。反而完全知道後果，他並非一時衝動行劫，而是在小心計劃下犯案。

精神科醫生指出，被告因欠缺社交同解決問題嘅能力先犯案。他係親自撰寫嘅求情信中承認犯錯，理應受懲。

佢當日戴晒太陽眼鏡同口罩，又行樓梯避免被閉路電視影到。犯案後又換3次的士。全部都睇得出佢有計畫。


男友住劏房拜金女想嗌分手　網民：算L數啦！喺香港寸金尺土，年輕人想買樓都要儲幾十年錢，唔係去少幾次旅行咁簡單。當你發現你男朋友窮到要住劏房，你仲有興趣同佢發展落去，長相廝守咩？話說有位絲打喺連登post文問各位絲打，知道自己男友一向都窮，但估唔到佢窮到要劏房，令到絲打都唔知同唔同佢一齊好？如果係你，你會點做呢？
話說絲打就話佢自己男友冇錢，而佢父母又早離婚，靠父幹都唔得。絲打都幾尊敬佢，覺得男朋友都幾勁，咩都靠自己。當一知道佢住深水埗嘅劏房，就開始產生憂慮嘅念頭，覺得同男友一齊冇將來，到底仲同唔同佢一齊好呢？
有唔少網民見到絲打因為呢個原因而想同男友分手，覺得絲打好拜金，而且兩個人都有返工嘅話，一齊出去租間屋都唔係問題啊，最緊要係你想唔想同佢過世。


 
雖然李嘉誠喺發跡之前都住過劏房，但又有幾多個好似佢咁可以白手起家，成為香港富豪呢？所以做人最緊要係有目標，有計劃，發奮圖強，係人都唔想一世住劏房啦~正所謂：「冇夢想，同條鹹魚有咩分別！」

 


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁