男友住劏房拜金女想嗌分手　網民：算L數啦！ | 真心膠 | 膠Hub

喺香港寸金尺土，年輕人想買樓都要儲幾十年錢，唔係去少幾次旅行咁簡單。當你發現你男朋友窮到要住劏房，你仲有興趣同佢發展落去，長相廝守咩？話說有位絲打喺連登post文問各位絲打，知道自己男友一向都窮，但估唔到佢窮到要劏房，令到絲打都唔知同唔同佢一齊好？如果係你，你會點做呢？
閱讀全文
話說絲打就話佢自己男友冇錢，而佢父母又早離婚，靠父幹都唔得。絲打都幾尊敬佢，覺得男朋友都幾勁，咩都靠自己。當一知道佢住深水埗嘅劏房，就開始產生憂慮嘅念頭，覺得同男友一齊冇將來，到底仲同唔同佢一齊好呢？
有唔少網民見到絲打因為呢個原因而想同男友分手，覺得絲打好拜金，而且兩個人都有返工嘅話，一齊出去租間屋都唔係問題啊，最緊要係你想唔想同佢過世。


 
雖然李嘉誠喺發跡之前都住過劏房，但又有幾多個好似佢咁可以白手起家，成為香港富豪呢？所以做人最緊要係有目標，有計劃，發奮圖強，係人都唔想一世住劏房啦~正所謂：「冇夢想，同條鹹魚有咩分別！」
肥仔黎最近俾劏房業主逼遷，就諗住搵另一間劏房住啦，尋日一打開個劏房網，見到一間40呎嘅窩打老道的唐樓劏房，月租$2,900，地區又旺，交通又方便，有電梯 ，又有獨立洗手間，仲要有間細房，張單人梳化床，日頭收返起，仲多個廳用，咁嘅筍盤真係去邊度搵喎！仲唔食緊飯都lur飯應咩？！


肥仔黎即刻打電話俾業主黃小姐，佢話劏房同相片一樣樣，無呃人，仲極力sell佢嘅「宜室宜居有辦法」裝修添，話張梳化床「夠晒方便，夜晚可以打開佢做運動」，最X街係奸笑咗一聲，聽到呢句真係火都嚟！肥仔黎鬼有人陪我夜晚做「運動」咩？！
之後講咩「$3,000租真係抵到爛」已經聽唔入耳，不過如果唔租佢，唔驚俾人租鬼咗要瞓街咩，唯有死死地氣即刻約佢今日上去睇樓，點知去到無人應門，又唔應機，懷疑佢劏房劏得太狼俾人拉咗。香港地真係搵間劏房都咁難….


膠通消息來源：591房屋交易、黃小姐


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁