陳展鵬拍戲藐爆袁文傑　巴打：由亞視鬥到無綫！

:0:0

無綫新劇《天命》聽日(6月25日)就開播啦！在劇中擔演中國史上最著名貪官「和坤」嘅陳展鵬(煎Pang)，首次同前亞視同事袁文傑合作拍無綫劇，但兩位型佬不但私下冇交情，據知在亞視期間更因視對方為勁敵而有心病，有傳二人拍《天命》期間話不投機半句多，煎Pang更在背後藐爆袁文傑！
Cap嚟見我
陳展鵬袁文傑互當透明袁文傑加盟無綫，由《不懂撒嬌的女人》至今，已經拍咗九部劇集，包括與現已貴為視帝的前同事煎Pang合作的《天命》。大家都係亞視幫，應該好friend至係，但原來兩人不但私下冇交情，更早在亞視年代已經有心病！據知當年袁文傑係當紅小生，不過就同煎Pang唔多夾，拍劇時喺言語上試過有衝撞，之後一路冇偈傾！如今兩人在無綫再碰頭，有指兩人拍《天命》外景時互當對方透明，煎Pang更在背後藐爆袁文傑！

當年袁文傑與陳展鵬同是亞視人，論當時知名度，袁文傑比陳展鵬高，睇番啲舊相，二人當年仍然好青澀，鬥型仔絕對不相伯仲。

陳展鵬升呢視帝後機會不斷，與袁文傑多年後再一齊拍古裝劇《天命》，同劇仲有張文慈與蔡國威，早已洗走亞視味的陳展鵬，對住班舊戰友未見笑得好從容。

《天命》陳展鵬演和珅陳展鵬(煎Pang)在《天命》中擔演中國史上最著名貪官「和坤」，劇集分別於北京及橫店拍攝外景，風格嚴肅悲情，劇中煎Pang與姚子羚、李施嬅、唐詩詠三人都有感情線，仲會同譚俊彥飾演嘅嘉慶皇帝展開一場生死惡鬥。

陳展鵬飾演清朝歷史上最成功的官員、18世紀天下間最富有的人，亦是權傾天下、富可敵國的「貪官之王」和珅。

劇中陳展鵬與姚子羚、李施嬅和唐詩詠三人都有感情線。袁文傑《不懂撒嬌》游生彈出無綫近年接收了不少亞視舊將，前年六月更簽咗身高六呎二嘅49歲型佬袁文傑，佢去年就喺劇集《不懂撒嬌的女人》憑游生一角彈出，早前袁文傑在將軍澳電視城接受本刊記者訪問，自認係大叔：「我年紀又的確係大叔，好老實講，套劇有咁嘅反應，我當自己攞咗獎。過往我喺亞視嘅努力一直冇白費，學到嘅嘢依家正好大派用場。」

開名暗寸早在前年傳出袁文傑將會簽無綫，煎Pang受訪時就表示：「可以同昔日同事合照好開心，最耐冇見係袁文傑，當時佢係我哋大哥哥⋯⋯我覺得無綫好似秦始皇咁一統天下，公司買埋亞視劇，好有大將之風！」開名明寸大自己八年的袁文傑一把年紀仲要由低做起。

去年無線宣傳myTV SUPER平台啓動，因推出亞視劇集台頻道而邀請大班前亞視藝人亮相，包括有陳煒、江美儀、姜皓文、田蕊妮、陳展鵬、林韋辰、蔡國威、袁文傑和翟威廉等，一衆亞視友現身無線，夠晒創新。

那些年鬥股惑當年袁文傑與煎Pang先後在亞視的旅遊節目中浸溫泉露股，袁文傑全裸露盡魁梧身形，而煎Pang則一臉稚氣露得含蓄。

煎Pang在無綫捱了七年才嶄露頭角，袁文傑當然不可能一步登天，只簽了普通藝員合約並非親生仔，距離男一的路還很長，不過無綫亦給予不少機會，早前入《深宮計》演太醫，依家又喺《天命》做西藏王子，又。相反煎Pang與單文柔的戀情曝光後人氣急跌，看來一番惡鬥在所難免！

被指毀約欠租、弄壞地板電器？陳展鵬：我有做過，我雙手跛！日前有報道指視帝陳展鵬欠租兼毀約，到底發生咩事？有報道指有業主向展鵬指控多宗罪，包括主動要求簽約兩年卻提前一年搬走，即等同毀約須賠償一年租金，又指展鵬並未繳付最後一個月的租金而用按金代替，還有弄壞單位內的電器同地板等。該業主還拍片去數臭展鵬。陳展鵬出席TVB新劇《天命》活動時，就逐一回應指控⋯⋯

陳展鵬被指毀約欠租、弄壞地板電器？事緣咁嘅，有業主於17年將將軍澳維景灣畔月租3萬元單位租畀陳展鵬同佢媽媽，租約一般都一年生一年死，但陳展鵬要求同業主簽兩年約，租約結束期為19年4月。今年初陳展鵬助手向業主投訴因地板撬起問題而令陳媽媽跌倒，對方搵裝修師傅去解決，但陳展鵬拒絕咗。之後透過助手轉發屋內地板撬起嘅短片俾A太，又講到地版問題多多咁，最後通知A太5月就會搬走。業主稱收樓時發現地板變黑發霉、屋內某啲位置在無通知情況下鑽咗個大窿，而業主同陳展鵬訂立兩年死約，但他提早退租而且連最後一個月租金都無交，陳展鵬話以按金來抵銷。有指由於陳展鵬毀約在先，所以唔可以用按金抵押租金，但陳展鵬未有回覆對方。

究竟件事係真定假？陳展鵬昨晚在電視城宣傳即將播映的新劇《天命》時，回應欠租及毀壞單位一事。展鵬出示事前拍下多張租住單位照片，以及與業主談及單位問題的短訊對話截圖，聲稱感到無奈因無端端變成租霸，他指自己在該屋苑已住了7、8年，曾租住兩個單位，每個業主都成為好友，交吉時業主家人都來一起合照，而且也和其他鄰居及保安熟絡。他話現時的業主卻不斷在鄰居和保安面前數落他，故今次要出來公開澄清。

陳展鵬否認業主指控，並謂事件已交由律師處理。問到陳展鵬簽兩年死約，但一年就完？他沒正面回應︰「一定係有問題喺裏面。」他又指入住後屋內有很多問題，單位經常跳掣，冷氣、熱水爐又壞，終於忍不住，因媽媽天冷時要用熱水洗碗洗手，唯有自行修理，業主收到單據卻嫌貴，要找其認識的師傅修理。而展鵬又因自己常出埠，所以最終交給助手處理。講到地板拱起，他拿着照片說道︰「你哋睇吓係我整爛，定係佢自己因為天氣潮濕而拱起，因為啲地板拱起，媽咪受傷，都真係好嚴重。」

陳展鵬首先否認整爛地板，而是熱漲冷縮才變成地板不平，用布和紙遮蓋地板只為方便搬傢俬並非遮醜。他指最氣憤是一直要求業主維修地板、冷氣、熱水爐卻愛理不理，拖數個月甚至半年才處理，最終導致媽媽在家被地板絆腳，搞到入院很大件事，腦震盪至今未好。

講到冷氣機有釘，他直言︰「如果我有做過，我雙手跛！我可以咁講！」陳展鵬指業主表示可以拆櫃︰「佢啲櫃係入牆櫃，拆咗啲牆紙全部好污糟，啲牆未油，我話唔緊要，你拆咗個櫃，我可以畀錢幫你油番佢，我畀錢去油油，又有單有據俾佢，我又點會做呢啲嘢（指欠租），我仲要喺維景灣畔住咗咁多年。」

至於最後租金方面，陳展鵬指跟對方表示會將按金變成租金，但對方沒再回覆，他以為已處理好。陳展鵬謂應循法律途徑去處理，更怒斥︰「一個月，我絕對可以畀，但係咪我哋藝人知名度高，就可以用呢啲方法去做佢想做到嘅嘢呢。」

展鵬稱不介意和業主雙方三口六面講清楚，並指租約列明若1年內退租只要賠1個月租就可離開，他知並非正確手續，承認自己做得不好，但否認租約是兩年死約，一直寫1年，業主竟倒轉來講。問是否想給業主一個月租來平息事件？他說︰「係，我幕前人，我點唔識都好，都知要履行業主同租客嘅嘢。例如話係租兩年，大家係咪兩年，但一年內有問題，就可以一個月前通知業主，但要畀一個月就可以冇事，並唔係冇交成年租。」

他表示因發生太多問題令媽媽住得不開心，所以想搬走，聯絡業主傾談時對方都同意，自己並不介意賠1個月租金，但想依正確手續，跟法律途徑做，起碼對自己有保障，覺得業主太反口覆舌。對於業主爆展鵬曾爆粗罵人，問展鵬會否是因此觸動對方爆料？他保證絕無用粗口罵對方，承認自己有因冷氣及熱水爐問題有怒火，也覺得自己無法再談下去才交由助手與業主交涉。陳展鵬嘆工作太忙，所以一直由助手代為處理。

煎Pang 被老友記集郵煎Pang 同業主各執一詞，唔知邊個真邊個假喇！惟有交由律師處理啦！不過睇番煎Pang個人雖然好木訥又cool cool 哋，但其實佢都幾有愛心！因為今年臨近農曆新年期間，佢帶住單文柔去咗筲箕灣護老院探訪一班老友記，單文柔同班義工幫手將一袋袋禮物送畀老友記，又陪啲老友記玩手工，被班老友記集郵，煎Pang當然唔會say no啦，見到班老友記個個笑晒口，一定過咗個好開心嘅晏晝，拍拖都不忘做善事！抵讚！不過煎Pang究竟幾時賜女友一個名份啫？

陳展鵬喜歡低調行善，不時會探訪護老院，臨近農曆新年，煎Pang帶埋另一半單文柔去探訪，好有愛心！

去到邊都成為焦點，兩個亦唔介意孖住同大家合照，單文柔企喺煎Pang旁邊，小鳥依人，笑得特別甜。

離開嘅時候，煎Pang同單文柔不斷被街坊蜂擁上前集郵。

單文柔跟同屆港姐張寶兒由選港姐時已經好好朋友，大家嘅現況亦好相似，都係落選港姐戀上無綫一線小生，不過袁偉豪就公開認愛，但煎pang死口唔認，真係同人唔同命。中佬特硃癖好單文柔褻衣情挑陳展鵬煎Pang去年與單文柔被斷正摸黑上山頂開餐兼談心，棄胡定欣攬嫩口小花令煎Pang人氣下滑，連累單文柔不停在網上被粉絲圍剿，為此煎Pang有意密冚戀情，唔肯正式畀名份，單文柔惟有默默等待，而為討好視帝男友，佢早前去挑選性感喱士內衣及真絲褻衣，實門閂埋門情挑，為閨房生活增加唔少樂趣，面對女友擋不住的風情，煎Pang心心眼迎戰啦！

煎Pang每次出席公開活動都唔肯認定女友，並指單文柔係其形象指導，大家在認識中、了解中及磨合中。

陳展鵬去年與胡定欣合作《城寨英雄》叫好又叫座，二人的緋聞更成為一時佳話，到煎Pang被影到與單文柔摸黑上山頂食包，網民即狠批男方對胡定欣用完即棄，替胡定欣不值。拍拖唔見得光當日晚上7時許，煎Pang與單文柔齊齊去九龍城做按摩，梳乎完後只見煎Pang率先離開，佢左望右望又用手遮臉，然後快步行去附近取車。其時佢講住電話，似是與仍在按摩店內的單文柔保持通話，未幾佢開車在九龍城狂兜圈，確定沒有可疑車輛尾隨後，就突然在街口停低，讓單文柔快速跳上車。煎Pang載單文柔到油塘港鐵站即絕塵而去，而單文柔則再轉港鐵去目的地會合女友人。

單文柔招呼男友有妙法泊到視帝呢個碼頭，單文柔由籍籍無名的2016年落選港姐變身煎Pang嫂，身價雖不至於十級跳，不過總算多咗人識。對於未獲男友賜名份，單文柔早前直言最重要是自己舒服，認不認愛不是最重要，難怪煎Pang亦表揚佢EQ甚高。對付甚為大男人的煎Pang，單文柔自有一套辦法，40歲的中佬有咩喜好，佢都拿捏得一清二楚，下面睇睇！

單文柔睇中幾件內衣，叫售貨員拎啱size即揸上手慢慢睇。買噴血性感褻衣早前單文柔曾被影到去內衣店買胸圍，當時佢主攻少女味重非常純純兔的款式，不過當日本刊記者卻見佢去到一間專賣性感褻衣的店舖，挑選多件惹火誘人內衣，看來為了迎合煎Pang口味，單文柔荷包要大出血。現場所見，單文柔在店內左揀右揀，睇啱仲拼上身照鏡，全部都係男士見到必定噴血的喱士透視款式，買了心頭好，單文柔才call車返家，等下次與煎Pang見面時大派用場！