張學友叫人唔好入呢行　歌神：我好運先唔洗乞食

:0:0

暑假有快到啦，相信有啲同學仔已經放緊假。暑假到都代表住又有新一批畢業生嘅出現。而張學友尋日就出席「香港演藝學院第32屆畢業禮」，同應屆畢業生分享自己嘅「歌神」之路，仲話如果想入行，就唔好為名利而選擇演藝行業，要為愛啊！Cap嚟見我
最尾有13分鐘完整講詞片!唔講都唔覺，張學友份人都幾Fun，幽默風趣，講野都幾中肯。話說佢尋日就以以主禮嘉賓嘅身份，同畢業生講下自己入行34年嘅經歷。一上場致辭時，就已經有同學仔好興奮咁叫：「學友！」

佢搞笑咁話：「恭喜各位同學！啱啱見到大家咁興奮，令我覺得香港演藝界將來係會好有希望嘅，你地會在不同界別大放異彩，我到時會係畢業相度搵翻你地，」而且仲話：「本來我都記曬要讀咩，但拍左200次掌，一叫我嘅名字就咩都唔記得啦，所以決定睇稿讀啦。」

講到點入行，就話講左幾種方法，除左讀演藝學院，你可以走內線啦，仲可以睇下有冇星探發掘，不過都幾難~而自己就係以歌手身份入行，係1984年贏得「全港18區業餘歌唱大賽」冠軍，所以「歌神」呢個名唔係浪得虛名~

想當年，四大天王可以話係紅到冇人唔識，宜家個個都為人父親，真係唔認佬都唔得……

講起入行好唔好，天王就最有資格講啦，佢就話：「如果你問我，我緊係會話好呀！收入仲……幾好！做終身職業緊係冇問题。咁係因為我都算係行裡面幸運嘅一班，我好幸運地係呢行做左三十四年，都打算繼續做落去。但如果你咁啱問到一啲運氣唔好的同行，或者一啲已離開嘅演藝圈前輩，可能會得到一個完全相反嘅答案。」

其實行行出狀元，做咩工都有好有唔好~而學友都幾中肯咁同大家講：「其實要睇你想追求睇咩？舉個例，如果你係希望進演藝圈可以發大財，賺好錢嘅話，我奉勸大家趁仲未入行，快啲佢諗下轉其他行業。」仲話做IT啊，炒下股中搵得多啲錢。

所以想要「錢途」嘅同學仔就唔好選擇娛樂圈啦~於是就提議出：「如果想『紅』的話，你可以上巴士搵個阿伯同佢吵一架，要勁啲啊。又或者拍條青春無敵嬉水片，小布啲~擺上網，一夜爆紅。」

做人最緊要係謙虛，所以學友仲自謙咁話：「唔知在座有冇同學希望今天嘅嘉賓唔係張學友，而是周杰倫、陳奕迅、劉德華、梁朝偉就會更好更適合呢？好多謝大家，但我就是其中一位。」

學友繼續說：「雖然我已經入行超過 30 年，但我始終覺得自己是個『不夠好』的藝人，我相信深信『覺得自己不夠好』態度，就是我可以在這行業生存幾十年的主要原因。」所以無論做咩都好，都要不斷檢視自己的不足，不斷進步，進步係我地生存嘅必備條件~真係人生導師！

講到最後，如果不為名利，咁點解要入行？學友說：「非常之老土講句，係為咗愛，要愛我地嘅工作，我地要夠愛先可以不計回報，用盡我們所有的精力時間同青春，做一份終點唔知係邊嘅工作，希望同學保住份愛，只要夠愛就可以堅持到底。才可以將演藝工作變成終身職業。」

13分鐘完整講詞
HKAPA 32nd Graduation Ceremony – Speech by Guest of Honour Mr Cheung Hok-yau
【感人講辭足本重溫】張學友先生（2015演藝學院榮譽院士）在今天的畢業禮上任主禮嘉賓，與畢業生分享其在演藝行業34年的經驗，感動每一位在場的來賓！

[圖擷取自網路，如有疑問請私訊]