女歌手做運動搞濕晒　唯獨呢個私人部位唔出汗

:0:0

女星成日都要做運動做gym，keep住個靚靚身型先至上鏡。鄭秀文（Sammi）不嬲都鍾意做運動，不過佢話佢做完運動左胸竟然唔出汗，咁奇怪？Cap嚟見我
Sammi成日都喺社交平台晒做運動相，琴日佢喺IG擺咗張濕身照，着住黑色背心嘅Sammi，做完運動成身濕晒，不過有眼利網民發現，佢有個部位竟然唔出汗。

相中見到Sammi左邊胸口一處位置冇俾汗水沾濕，連Sammi自己都覺得好神奇：「我都唔知點解得個左胸嗰一忽冇出汗」，佢形容為「詭異唔出汗的左胸」。

好久未有新作嘅Sammi鄭秀文最近終於發表新歌《千年如一日》，等到頸都長埋嘅粉絲們紛紛表示好感動呀！不過新歌尚未熱播，就惹是非！音樂人Jim Ling日前指出呢首作品嘅Demo原本係由作曲作詞嘅高皓正搵佢編曲，最終出街嘅版本同佢原本嘅編曲極相似，但編曲人個名就變成Johnny Yim，更直拆有關方面抄襲！佢喺Facebook留言話：「我唔介意呢首歌最後無搵我編曲，但係點解要抄我個編曲而唔搵我編呢？！#鄭秀文 #千年如一日」

Jim Ling表示，高皓正喺2013年就搵咗佢責Demo版編曲，直至首歌俾Sammi同蔡德才監製揀咗，就再搵Johnny Yim重新編曲，但係Sammi聽完之後表示鍾意舊編曲多啲，咁高皓正就提意搵返Jim Ling去編啦，點知有關方面就話搵開Johnny Yim合作，所以要繼續用佢，件事就變成而家咁喇！
原版

Sammi版

Jim Ling已聯絡Sammi所屬嘅東亞唱片，要求追討同埋加返編曲人credit，東亞唱片向傳媒表示話要了解下先喎！Jim Ling之後就再喺Facebook鬧爆：「你哋嘅名譽地位就緊要，我受到嘅對待就唔緊要，仲要叫我收聲，乜嘢世界啊？！」究竟係邊個咁惡要當事人收聲呢？

音樂人金培達、褚鎮東、鍾氏兄弟都有留言關注事件。

有關方面出咗呢張「講咗等如冇講嘅聲明」。

高皓正都share咗去自己Facebook，邊已歸！

講開「高主教」高皓正，作曲填詞唔多，但每每都成為網民熱話。

《水果大聯盟》裕美

水果　水果　每種都可以醫肚餓
吃了這個紅蘋果　會唱歌
水果　水果　令我最近甜咗

水果可以食到飽肚都唔出奇，但點解食完會唱歌？點解食完個人會甜咗呢？

《雨裡同行》戴夢夢

全靠你教我渣車使我壯闊一些
能有勇氣駕駛不必驚入夜

呢句歌詞究竟係咩邏輯？網民表示研究咗好多年都解唔通！

有「E Cup林嘉欣」之稱，聽聞仲好鍾意淨係著Bra top做運動。話說有巴打「些牙」咗佢一張做完運動的爆汗相出黎，真係睇到CAP圖王都想同佢瘋狂做運動啊！現年 27 歲的李蔓瑩 ( Renee Li ) 是一位模特兒同演員，出道電影作品是 2011 年《開心魔法》，現在是種星堂娛樂旗下藝人。近年，更擔任 viuTV 主持，其中《旅行吊靴鬼》系列較為人熟悉。