9個最垃圾九巴路線　網民怒吊：71個站坐咗成2個鐘 | 真心膠 | 膠Hub

相信有唔少人都鍾意遊車河，有啲人鍾意坐叮叮，有啲人鍾意坐地鐵，有啲人就鍾意坐巴士。不過都有人覺得搭巴士唔夠地鐵快，又成日塞車。有網民就將自己撘咁多巴士嘅經歷中，揀出幾條覺得九巴最垃圾嘅巴士路線，唔知你又有冇撘過呢？閱讀全文
入圍條件：1）路線設計太過冗長，瘋狂兜路才可到目的地。
2）車站太多有「遊車河」的感覺。
3）市面有多條巴士線行路段重複。
最垃圾九巴路線1. 九巴 14H（油塘至順利【循環線】）車費：HK$5.8
入選原因：行勻成條啟田道兩次，都唔行連德道秀茂坪出，傻的嗎？
2.九巴 28B（彩福至啟德啟晴邨）車費：HK$5.1
入選原因：呃行車里數之作/總站去總站行路快過坐車。

3.九巴 30（荃威花園至長沙灣）車費：HK$6.4
入選原因：荔景、麗瑤一帶專線小巴線（往返美孚、荃灣），車費更平、需時更短。
4.九巴 40（荃灣麗城花園至麗港城）車費：HK$8.8
入選原因：路線設計好L差/未改路線之前更差
5.九巴 42C（青衣長亨邨至藍田站）車費：HK$9.6
入選原因：去勻成個青衣都唔夠，仲去荃灣、大窩口、石籬、上葵、梨木樹/迫到要插住屎忽嚟經龍翔道。

6.九巴 53（元朗站至荃灣西站）車費：HK$10.8
入選原因：71 個站，行青山公路真係遊車河 fit 晒 / 坐過一次 53 單層巴士，由荃灣廣場嗰邊上車入元朗，坐咗 100 分鐘！
7.九巴 64K（元朗西總站至大埔墟站）車費：HK$8.4
入選原因：元朗去大埔搭兩個鐘，成 60 個站，爬山咁爬⋯⋯
8.九巴 248M（青衣長宏邨至青衣站）車費：HK$4
入選原因：成條線行落地鐵站 3 個字搞掂！

9.九巴 （沙田巿中心至青衣站）車費：HK$9.1
入選原因：最傻的嗎係行青沙，行城門又短啲，又可照顧埋城隧轉車站 / 半粒鐘一班，等到炆！
雖然有唔少巴士線係重疊咗，隔幾步又一個站係有啲煩，但呢個都算係撘巴士、遊巴士河嘅樂趣。有網民仲好認真咁俾意見，覺得九巴應多啲大型轉車站，例如屯門、城門隧道、大老山隧道嗰種大型轉車站，將唔同路線整合，俾乘客可以有轉乘選擇。
有網民建議九巴可在畢架山設立轉車站，「因為轉車站做得夠，路線可以簡化」，所以九巴不妨考慮下，令乘客有多個選擇。



[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁