呢位女歌手咁大膽換造型　網民：好迷幻好不羈

女歌手有時為咗新歌MV，時不時都會換造型，就算要剪頭髮都要硬着頭皮去做。今次林欣彤為咗推出新歌，換咗幾個大膽造型，同佢平時一貫嘅作風真係好唔同，又幾有新鮮感嘅。Cap嚟見我
林欣彤（Mag）半年內推出三首情歌，而新歌《重光紀念日》推出只有三個星期，已經有唔錯嘅成績，Mag應該相當開心，佢想喺造型方面帶俾粉絲新鮮感同驚喜，所以搵咗形象指導幫佢諗咗幾個新造型，分別係迷幻、不羈、繽紛同後現代感覺。



為配合造型，Mag喺拍攝當日試咗好幾個夠晒極端嘅假髮，Mag仲話：「初初見到個假髮，好多人都嘩一聲，覺得擺落我度會否太誇張，好彩出嚟效果大家都好滿意。」




成個拍攝過程Mag都好難忘好開心：「因為今次個髮型都幾難搞，所以髮型嗰邊出動咗四名男子，加埋我個化妝師都係男仔，咁佢哋圍住我整哩整路個構圖好搞笑，其他人見到猛話我似娘娘。仲有一個位我想講嘅，就係雖然今次試咗四個造型，但最後我哋只係揀咗兩個，因為想效果最好嘅先揀。但有個造型好搞笑嘅，就係為咗配合一個SHOCKING PINK假髮，我嘅化妝師提議噴到我成身銅色嘅閃粉，然後現場不斷有人話我名副其實林欣『銅』，笑死我呀！」




Mag之前屋企發生家暴喎，最後仲有人受傷！

事情是咁的，Mag一向視愛犬如家人，但最近佢兩隻狗狗就打交，Mag好怕佢哋整親，所以就分開佢哋，點知就受咗傷！


Mag喺IG影低受傷嘅手放上網，交代事發經過：「今日下午兩隻狗狗打交，我破聲大叫都唔肯停，但太驚佢地真係受傷，我就叉左隻手落去分開佢哋，結果佢地冇事，冇受傷。」


Mag話隻手嘅筋仍然好痛：「但我就痛到而家啲筋好痛，連哩篇野都係單手打，不過唔緊要啦⋯你哋冇事就好，520。」

Cap by：巴士的報


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁