TBB唐姨風暴狙擊合集　520愛我請留言又出事

:0:0

琴日就係520嘅大日子，相信好多情侶都喺呢一日放閃，今次連明星都係咁放閃，主人翁就有唐詩詠。有樓主喺連登狙擊唐詩詠，話佢喺520呢日出咗個post叫人「愛我請留言」，點知有個人夫就留言，公然向唐詩詠示愛。Cap嚟見我
樓主話喺520呢個日子，雖然唐詩詠身邊見唔到洪永城嘅身影，但喺情路上勇敢追愛嘅詩詠並唔孤單！惹人憐愛嘅佢換來無數個契哥哥嘅支持同愛護！「如果話認契哥係收兵，咁就太傻太天真喇，以唐詩詠嘅條件真係唔需要啦，話晒都係視后又識得撒嬌。

樓主仲話上契就唔係女仔嘅專利，好似馬浚偉咁，佢仲早過唐詩詠認契妹，唔通又話佢追唔到人哋就認做契妹咩？好似大台當家花旦楊怡、陳法拉、鍾嘉欣都係馬浚偉經常公開承認嘅「大妹」、「二妹」、「三妹」，佢哋3個嘅級數都不分上下，可以擁有呢3大美人做契妹，真係夫復何求！馬仔仲有句名言：「男女唔一定拍拖，契哥契妹唔一定有嘢。」估唔到平時聽小學生話要招FD子，招家人，原來現實生活中娛樂圈都仲好流行呢樣嘢。

連人夫林子善都忍唔住留言話：「愛你的哥哥上！天氣熱了記得飲多啲水出外工作要小心」

之前TVB 新劇《棟仁的時光》播出，以男主角袁偉豪和女主角唐詩詠生死糾纏嘅宿命，打造出奇幻浪漫故事。新劇出街的同時，先係爆出疑似 36 歲唐詩詠同分手唔夠一年的洪永城復合！唔知有心定點，唐詩詠響個人社交網站出左個 Post，結果被網民「暗串」，視后當然霸氣回應啦～結果引起罵戰！唐詩詠響個人社交網站出左個 Post「帶住個金波羅去街街」，原本普通一個 Post 開心Share，唔少 Fans 都大讚好靚同好 Cute。

原本好平凡嘅一張相，被有心人惡意中傷！

有網民指：唐姨唔好再煲新聞喇！

有網民指出：總會有的無聊人成日中意針對人，唔洗理佢地，最緊要你開心就得啦

罵戰到目前仍似未結束。

傳秘密復合兩個月被譽為「不能錯過的女友」的唐詩詠，去年與拍拖兩年幾的洪永城宣布分手，據知洪永城一直想追番唐詩詠，早前佢入股曾志偉開設的西餐廳「老爺廚房」做小股東，報道指志偉哥及其他股東不時約埋詩詠落餐廳相聚，乘機造就機會給洪永城與女方多啲相聚。而日前有報道指洪永城已「螺」掂唐詩詠，兩人已復合兩個月！