冰島真係「估你唔島」　連球王美斯都贏唔到嘅「業餘國家隊」 | 開片喇 | 膠Hub

大家都以為夢想係留俾有準備的人，但其實夢想係留俾永不放棄嘅人。尋晚嘅冰島完美演繹咩叫永不放棄。
閱讀全文

琴晚係兩屆世界盃冠軍阿根廷對戰首次打入世界盃決賽週的冰島，賽果令到大家大跌眼鏡，當大家都以為美斯可以帶領阿根廷輕鬆取勝嘅時候，冰島用佢地嘅團結同埋永不放棄嘅精神，堅持90分鐘1:1，最終逼和阿根廷！



即使阿根廷有美斯、阿古路、迪馬利亞，及馬斯真蘭奴等球星坐鎮，但係佢地遇到打團體戰術嘅冰島，即使阿根廷長時間控球，始終受制冰島整體嚴密防守下，就算有多次機會射門亦未能好好把握。

本來阿根廷19分鐘先開紀錄領先，但好快23分鐘就俾冰島追平，呢球仲要係冰島係世界盃中嘅首個入球。今場比賽嘅關鍵就係門將荷杜臣，呢為兼職門將靠一掌救世界，擋住咗球王美斯嘅12碼，令冰島最後可以逼和傳統勁旅阿根廷。

點解有人稱冰島為「業餘國家隊」？係因為總人口得33萬人嘅冰島係冇職業足球聯賽，幾本上每個人都有副業，當中不少球員兼職踢波，另有一份正職，不過尋晚正選中，其實有8名球員係來自頂級聯賽球隊架！
總教練賀基臣（Heimir Hallgrimsson）是牙醫，而今次嘅功臣34歲嘅門將荷杜臣係導演，今次世界盃可口可樂冰島足球嘅宣傳片就係出自佢手。

冰島真係好值得我地佩服，佢地完美演繹咩叫熱愛足球，咩叫夢想係留俾永不放棄嘅人。咁多年黎佢地嘅對足球嘅熱愛同堅持令到佢地終於守得雲開見月明。
重溫CapTV 2016向冰島致敬嘅影片 — 我叫做冰島
【我叫做冰島】
【我叫做冰島，你呢？】我叫做冰島，你也可以叫我「估你唔島」!Music: Sigur Rós – Hoppípolla
Posted by CapTV 擷電視 on Monday, 4 July 2016
2016年歐洲國家杯，係冰島自1960年，首次晉身決賽週！當年冰島表現真係估你唔到！

當年迫和有C朗坐鎮嘅葡萄牙！尋晚迫和有美斯坐鎮嘅阿根廷，兩大球王都贏佢地唔到，仲唔係估你唔島！





睇完第一輪分組賽，今屆冰島表現仍然值得我地支持！

你有咩膠句想分享下？


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁