TBB金牌監製愛將大盤點　梅小青：黃心穎係下個⋯⋯

:0:0

製作過《今生無悔》、《原振俠》、《洛神》、《法證先鋒》系列、《宮心計》系列、《公主嫁到》等大熱劇集的無綫金牌監製梅小青，在與本刊的訪問中，大談她欣賞的藝人愛將，包括黎明、王菲、李嘉欣、佘詩曼同林峯等，仲點名力讚「心穎BB」黃心穎將會係⋯⋯
Cap嚟見我
梅小青：李嘉欣最靚問小青姐同咁多藝人合作過，覺得邊個最靚？佢即答：「李嘉欣，真係好靚，我同佢拍《原振俠》，鏡頭由佢對腳影到個頭，到拍完，套劇over要剪片，我都唔願意剪佢。」

小青姐語錄：「李嘉欣由頭靚到落腳！」

小青姐續說：「男仔當然係黎明，我同佢合作《飛躍霓裳》、《回到唐山》、《今生無悔》、《原振俠》⋯⋯我覺得佢有今時今日絕對應得，因為任何劇要宣傳，佢無論喺任何地方，都自費飛返嚟出席，嚟足咁多次，紅咗都一樣係咁；直到依家，每次佢開演唱會，都會畀票我。」

「黎明抵佢紅！」

讚完黎明同李嘉欣，小青姐又提及：「《原振俠》入面仲有王菲，有次睇完場戲我話唔得，要重拍，仲要睇住佢做，叫佢要跟我方法講對白，因為我係咁創作個角色，後尾我先知，王菲嘅風格係表情唔多，有佢獨特嘅風格、韻味，啓發我放下，同演員互相去調節，因應佢嘅特點，一路去改劇本。」

「王菲個性獨特！」

阿佘靚又捱得而講到邊個藝人宜古宜今，時裝古裝一樣得？小青姐就答：「絕對係阿佘(詩曼)，宜古宜今，我同佢大家都鍾意靚，佢要求嘅靚仲係啱角色嘅靚，做平民唔會整到自己鬼火咁靚，佢好捱得，好攰都好，一嗌埋位，佢就好精神，同埋佢永遠將儀容保持得好好，佢有自己嘅諗法，但又好配合你嘅諗法，盡量做到你嘅要求，我好鍾意佢。」

「佘詩曼宜古宜今！」

而時裝古裝一樣得嘅男演員，小青姐就有兩個心水選擇：「馬仔(馬浚偉)都係，要求自己儀容好整齊。家豪哥同林峯合作好多，我第一次同林峯合作係拍《衛子夫》，嘩，啲眼神好正，我又係唔捨得剪佢啲片，都係好用心去做，佢尤其係眼中有淚水、控制幾時流落嚟，好正、對眼好識做戲，好欣賞佢。」

「林峯雙眼識做戲！」

「馬仔要求自己儀容好整齊。」睇好黃心穎係下個鍾嘉欣問小青姐近年睇好邊個演員？佢話：「馬仔絕對已經係好好，馬國明我都好鍾意。近年嚟講，蕭正楠我都幾睇好，佢好努力、好用心去做好個劇，仲有(黃)心穎，我今次同佢合作《深宮計》，我覺得佢笑容好自然，有啲好討好嘅戲，一過火就會造作，我覺得佢會係下個鍾嘉欣，做一啲好sweet嘅角色，你唔會討厭佢，會覺得佢好可愛、好自然，愈睇我愈鍾意，一路加佢戲份，喺跟住嘅《法政先鋒4》亦都加強佢戲份。」