呢個女星驚爆已婚　網民：佢哋又幾登對嘅

:0:0

結婚係件開心事嚟嘅，只要大家開心，低調完婚係可以嘅，肥仔黎都祝福佢哋新婚快樂。現時28歲的林芊妤（Coffee）早前宣布意外懷孕，並會與圈外男友翟志榮（Weng）入紙結婚。今日，Coffee就上載多張結婚晚宴相上個人社交網，自爆已低調完成結婚儀式，並留言寫下結婚感言，感謝一眾親友出席！
Cap嚟見我
林芊妤自爆已低調完婚今日，林芊妤喺個人社交網分享多張結婚相，原來早喺昨日佢同圈外男友翟志榮（Weng）已經入紙結婚，並完成結婚儀式！相中見Coffee著上一身白色露背貼身長裙，設計非常簡約。企喺老公身旁嘅Coffee展露出做人妻嘅喜悅笑容，而一對新人望落亦十分登對！

穿起貼身款式長裙嘅Coffee睇落一啲都唔似已陀住5個月肚，腰位依然冇凸肚！

據了解，Coffee昨晚於港島一間酒店低調舉行婚宴，僅筵開三席，及只邀請至親好友出席，而Coffee與翟志榮簽紙後向在場賓客說：「今日現場所有人都是我生命中最重要的人，我最好的朋友，我的屋企人，咁就夠喇，覺得這個對我是最好的wedding。」

簽紙都簽到要挨住老公，認真開心！

大家都笑到見牙唔見眼！

兩公婆甜蜜互動！

除上載多張婚宴相外，Coffee更留言大爆自己陀住嘅BB係個男仔，指：「婚禮也在愉快和笑聲中完結，最遺憾是沒有請我的朋友們，希望你們會體諒我喔，待我的兒子出世時再宴請你們。」

大肚林芊妤首晒婚紗相原來唔多想影婚紗相，留言自爆：「以前經常穿婚紗去活動和拍照，而我對婚禮又沒甚麼憧憬，所以本來連結婚相也不想影，但想留個紀念所以還是要拍，我卜大們倆都當是例行公事，不夠半小時我們就覺得無聊了，只顧想着下午吃甚麼好，像兩個小朋友去公園玩那樣，反而要感謝攝影師的堅持，令我們能順利完成拍攝，謝謝我Sis為我弄的花兒，很美。」

其中一張Weng將懷有身孕的Coffee倒吊，動作認真大膽，睇見到覺得「牙煙」，不過Coffee就笑得好開心！

陀B玩浮潛網民戥佢驚｜Coffee：停下來應該不太健康⋯上周Coffee就同肚中BB仲有未婚夫去咗旅行歎世界，不過佢唔止走去健身室玩跑步機，仲去游水同玩浮潛，唔少網友話這個孕婦太活躍，唔少人都戥佢驚，紛紛叮囑佢要小心，但當事人話直言未有BB前的確做很多運動，所以「要我突然全部停下來應該不太健康」！

[圖擷取自網路，如有疑問請私訊]