【有片】《全民造星》「跟車太貼」要唱出嚟！　Lokman喪跳喪唱貼地本土文化 | 真心膠 | 膠Hub

網民成日開口埋口話「跟車太貼」，意指網民集體跟錯隊，未睇清楚事實就集體衝出嚟7，所以又叫做「炒車」，而呢種「交通意外」喺連登幾乎每日上演。「跟車太貼」講就講得多，唱出嚟會係點嘅呢？《全民造星》嘅Lokman就將本地樂隊野佬（Yellow）嘅《跟車太貼》帶上舞台，唱出呢種咁貼地咁本土嘅文化，加上超型舞步，成功將原本帶玩味嘅歌曲改頭換面。
閱讀全文
《全民造星》話晒係聲稱培育本地偶像嘅節目，加上Viu TV仲未過到深圳河，觀眾都係香港人，所以每次有人選唱廣東歌或者將本土文化帶上舞台，網民都特別興奮！

跳舞出身嘅Lokman，跳呢段舞真係非常有自信！

唱歌雖然唔係Lokman最最最擅長做嘅事，不過佢真係進步好步大。

舊香港人無論唱同聽呢首歌都一定好有共鳴！

原本有啲麻甩同玩嘢嘅歌曲，估唔到配上勁舞，係可以變得咁型！

Lokman嘅動作同語氣，都會配合返歌詞。

勁舞帶動觀眾一齊哼！

真係會不自覺跟住一齊唱「跟車太貼」。

各位網民，開車坐穩，小心睇路！

睇片
全民造星
【召喚Lokman粉絲！】難怪Lokman係花姐偶像，一舉手一投足，都好有星味！


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁