【潮文】對譚仔五小喇嘅執著　「以前嘅我只係一件食清湯嘅柒頭」

:0:0

肥仔黎好鍾意食譚仔，唔知你哋平時食唔食辣呢？有位巴打，本身佢就食開清湯，但自從啲人知佢唔食辣之後，世界就變啦！
Cap嚟見我
呢篇潮文真係高汁！唔講咁多，去文！

內文如下：
是咁的
以前嘅我只係一件食清湯嘅柒頭
中學嗰陣初戀女友見我喺譚仔嗌咗清湯
之後嗰晚就同我講我同佢唔太夾要分手
出嚟做嘢同事們自從知我唔食得辣
之後想搵人一齊食lunch
個個唔係話約咗人就話自己帶咗飯
重記得有一次lunch hour經過譚仔
全公司包埋director們40幾人一齊堆喺譚仔有講有笑
人人面前都放住一碗微紅嘅米線
入面有人見到我好快就迴避咗眼神接觸
我都急急腳走
佢地就大聲喺度笑
我就知道呢個世界係幾咁現實
每次排親譚仔條隊前面啲排骨mk叫個十小之後
堂堂米八嘅我頓然變得好渺小只能細細聲落單
「要要個清湯」「咩話？靚仔你要咩湯？」「清清湯….」
每次發生呢啲事時我嘅湯底都會變鹹
因為我一路食一路跌啲眼淚落碗湯度

內文如下：
喺大概半年前
我立定決心要食到十小
朝早起身用最嗱嘅牙膏直接刷條脷
平時沒嘢做就爽浪香口膠
慢慢地我可以食到十小辣了！
我終於可以好似正常人食譚仔了！
成功當晚我喊到收唔到聲
同檯識咗十幾年嘅好兄弟重問我係唔係太辣
但我唔自滿
我要一次過將以往嘅恥辱洗走
嗰日起我加重訓練
到今朝我認為我準備好了
lunch time我特登遲少少出去食等班同事放下戒心
一如我所料佢地見我未出去
就成班人衝咗去譚仔覺得只要咁我就會唔好意思入去食
但今時唔同往日
我隔一陣落咗樓行入咗平時避得就避嘅譚仔
班同事見我入嚟即刻靜晒
我冇理佢地正好冇人排隊我一直行去收銀處
個呀嬸陰住嘴咁問我咩湯底
我深呼吸一口然後講
「五小辣唔該！」
嗰一刻彷彿時間靜止咗
入面嗰廚師好似唔多信自己聽到啲咩
班同事嚇到筷子都跌埋
離遠重聽到老細問呢個人係邊個
點解從來冇發現公司有咁嘅人才
我拎咗飛緩緩搵位坐底
你問我點解唔同班同事坐？
因為我知我已經唔係同佢地同一層次
初戀女朋友隔八年突然打比我我默默cut佢線將佢contact都del埋
喺呢刻我無撼了