偷相俾連登仔頂到上外國新聞　万刀甲緋聞女友終道歉！

曾經與方力申拍旅遊節目時傳出緋聞嘅KOL兼模特兒Sadelle (楊舒婷)喺網上都頗有人氣，其IG有逾九萬followers，但早前佢被踢爆原來係 Google搵相扮識煮嘢食同去旅行！被人公審完一輪，Sadelle初時就不理「猴子偷圖」、「貪慕虛榮」等留言，將有關相片同留言刪除當冇事發生，點知件事愈演愈烈，仲上埋海外報章，最近Sadelle終於發文道歉，睇下佢點講！
Cap嚟見我
柒出國際 上埋報！海外媒體BuzzFeed.News就有報導香港KOL偷相事件。網民更恥笑咁話，搞到臭名遠播，仲帶埋連登一齊上報紙，真心勁！！

靠偷相紅到去外國，你係得嘅！
不認不認還須認 Sadelle發文道歉柒埋出國際，Sadelle貌似醒覺，終於轉口道歉，話自己反思完確實認為自己做錯，承諾唔會再犯，仲話要真係學下煮嘢食喎⋯⋯
Sadelle道歉全文IG Stories 回應粉絲問題道完歉之後，Sadelle繼續有喺IG同粉絲互動，挑選咗一啲鼓勵嘅留言嚟回應，多謝佢哋嘅支持。不過佢好似好積極咁刪完一輪留言又終於道完歉，最後補句話「好多嘢唔係佢控制嘅範圍之內」，小編就一頭霧水唔知佢指啲咩喇！
其實唔理佢平時多唔多去旅行、或者有生活品味與否，Sadelle剩係一系列性感靚相已經冇得輸！可惜搞單咁嘅嘢出嚟啦⋯⋯
鐵粉支持 網民唔受Sadelle道完歉之後，亦有唔少網民留言，獲部分群眾諒解，但亦有網民唔受落，指佢都係為咗搵食先焗住道歉。不過今次Sadelle就醒番少少，冇再DEL留言，仲有讚好部分負評添！
部份網民都支持佢認錯，鼓勵佢改過。但有啲網民就唔Buy佢道歉，仲提佢未DEL哂啲相啊！事發後，Sadelle隨即刪除了IG內過百張相片，網民就反應激烈繼續鬧爆！
重溫偷圖事件 死唔認錯！
呢位好靚女嘅旅遊KOL Sadelle 楊舒婷，大家未必識，但佢其實係方力申旅遊拍檔 Sadelle。佢IG followers 數量都有90K，因為人靚不得止，仲要影啲相好正喎！

不過最近有網民發現 Sadelle 疑似偷圖當自己影！有啲旅遊同食物相，都好似同網上部分相片一樣喎！有網民就將 Sadelle 疑似偷圖嘅相，上網一搵，真係有部分角度、色調、細節都一模一樣。

真係Search到喎！

角度一樣都明白，但連舊雲都一樣！！！！

Cap少少都有巴打搵到！！！

人哋早出過你兩年喎！

仲諗住學你享受生活，點知，所有都係假嘅！！

仲要有個Sadellecancook嘅Tag，但入面啲相就又係人哋嘅！！！

奇異果嘅角度都一樣？

可能佢跟人哋個食譜。

連蛋漿嘅多少都一樣！勁！！

仲唔係偷？！

唔識煮唔會扮喎！
網民對 Sadelle 疑似偷圖嘅行為覺得好奇怪，仲留言話

偷圖可恥，推到道歉
偷幾張爛鬼相扮到好識享受生活咁
仲要係喪偷 Pinterest 果邊啲圖放上 IG 依個垃圾平台先係問題
個啲偷圖旅行相，明明佢又真係有去到，有拍 story 個啲，使乜鬼偷圖呢
係咪屋企好窮，住公屋又冇啖好食，所以要偷圖扮上等人，唔想俾人睇唔起
唔明偷圖放上 IG 呃人嘅心態

但肥仔黎啱啱再上Sadelle IG就好似唔見嗰堆相同留言喎，唔通Sadelle 自己心虛Del晒？
有巴打就走去問Sadelle ，佢就係咁答嘅⋯⋯

連方力申都叫支持佢！

Cap by：EZONE、東方新地、Sadelle IG、BuzzFeed.News、連登討論區、網上圖片


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁