Red Bull搵索女宣傳出事　網民：今次真係送你一對翼 | 真心膠 | 膠Hub

唔知大家有冇發覺，呢排成日見到有啲Red Bull嘅宣傳車喺街頭出現，而揸車嗰個大多數都係長腿姐姐，個個都著住短褲，有啲仲係P牌仔。最近有唔少新聞都係關於佢地，因為佢地成日都發生交通意外，早幾日佢地又出事啦……
閱讀全文
有時候商家為咗銷量，真係咩方法都諗得出。呢款能量飲品相信好多人都有飲過，成日都會喺電視見到佢地嘅廣告：「Red Bull送你一對翼！」。最近佢地用咗一種新嘅宣傳方式，令大家記住佢地~


近排佢地請咗一班索女周圍揸車宣傳飲品，靚女揸車已經好有睇頭，仲要成架車都係Red Bull嘅裝飾，夠晒搶眼！但唔知係咪因為咁樣就成日炒車呢？

事關喺前幾日，呢個宣傳車又喺北角發生車禍，喺北角丹拿道撞到前面一架學童保母車。計計埋埋，已經係13個月內，第6次發生交通意外，搞到唔少駕駛者都話見佢要小心啲，費事又發生意外~

有網民影到事故發生，仲擺埋上Facebook嘅「馬路的事討論區」，發現同一車牌嘅宣傳車喺舊年5月，都撞咗一架私家車嘅車尾。

除咗呢架宣傳車發生過一次意外，其實仲有同型號嘅兩部宣傳車，都係因女司機揸車而發生交通意外。喺舊年4月，兩個靚女就開住另一個車牌嘅私家車，喺銅鑼灣百德新街直撞燈柱，真係嚇到傻……

舊年9月，一部宣傳車喺何文田佛光街天橋，因天雨路滑「甩尾」，同對面線嘅一部保母車迎頭相撞，最終導致4人受傷送院，而宣傳車仲撞到車尾嚴重損毀！

今年2月同舊年12月，同款嘅宣傳車都分別喺旺角同灣仔，發生交通意外俾人影相擺上網。

發生咁多次車禍，緊係要有人講下係咪真啦。涉事能量飲品公司發言人就同媒體證實，前幾日宣傳車係發生意外，而經過了解之後，原來佢地都係受害者。發言人就話，當時前面嘅保姆車落緊客，而宣傳車就跟尾等候，但架保姆車好似要讓路俾左側嘅車行駛，所以先發生意外，好彩宣傳車嘅車身只係輕微損毀，而且冇人受傷。



[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁