主動幫爸爸媽媽影相　3歲女竟然影咗呢啲相笑死 | 真心膠 | 膠Hub

成日有個啲咩男朋友唔識幫女朋友影相被鬧，影相呢家嘢都係俾返啲專業人士，或者自學練多啲啦！台灣有個3歲小朋友主動話幫父母影相，睇嚟佢好有天份，取材夠晒認真搞笑，竟然影咗呢啲相爆笑，睇到都唔知好嬲定好笑。閱讀全文
台灣有男網民帶老婆同3歲女去台中玩，點知囡囡竟然主動話幫阿爸阿媽影相。平時一家大細去旅行都係阿爸阿媽影自己啲細路，咁難得仔女話幫手影相，連腳架都慳返喎，緊係俾佢影到夠啦！點知影完出嚟張相真係估你唔到，「孩子眼裡只有媽媽」。


佢地去到秋紅谷參觀嗰時，乖女主動話要幫阿爸阿媽影相，咁兩公婆咪企喺湖景前面俾囡囡影相。阿爸拎返部手機一睇，竟然見唔到自己嘅頭，淨係影到阿媽，無奈一句「眼裡好像只有媽媽。」

唔少網友見到小妹妹呢張充滿創意嘅作品，都紛紛留言「爸爸可以隨時換人的意思」、「親媽就是不一樣待遇，爸爸是撿來的」、「構圖很好啊」、「如果不說性別，我會以為是兒子拍的」、「女兒只拍重點」。仲有唔少人將重點放咗喺人妻嘅身材到，留言「老婆很辣」。

之前都有單因為影相而爆笑嘅嘢。是咁的，有位台灣男網友喺自己Facebook分享爸爸幫手影結婚相嘅趣事，本身婚禮個日，爸爸喺側邊幫手影相，所以男網友就問爸爸要翻啲相：「爸，可以傳今天你側拍的照片給我嗎？」。
點知可愛嘅爸爸以為係要自己嘅側拍，結果就send咗100%真嘅側拍，令到呢位網友哭笑不得。
相片中嘅爸爸好專業咁展示咗自己迷人嘅啤酒肚，send完之後仲問翻網友要黎做乜，真係好QQ！

男網民同爸爸嘅對話引嚟唔少網友留言，指「老爸好可愛」、「真幽默可愛」，有網友嘗試拆解爸爸嘅諗法，得出結論係「側面拍照=側拍」或者可能係「老爸其實也想被拍啦，你不懂」。

呢位爸爸真係好得意，好QQ，最後肥仔黎都祝福呢對新人新婚快樂。


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁