【西客當道】「未試過又點知好無食？」店主拒提供免費試食餃子被野蠻客鬧爆

:0:0

「未試過又點樣買？」有好多時我哋習慣免費試堂、試玩同試食，覺得適合先至入手。近日就有網民發文分享遇到麻煩客人嘅遭遇，客人連番窮追猛打，搞到網民嬲爆！
撰文：Evita ｜圖片：新傳媒圖片庫、爆怨公社閱讀全文
店主拒免費試食餃子被野蠻客鬧爆日前有台灣女網民喺爆怨公社Facebook發文，表示自己係手工餃子網店老闆，有日收到客人詢問水餃價錢、口味同可以幾時拎貨。

老闆：「非常不好意思，因為現在三月份的單都滿了！可能需要幫您安排在四月份唷！」
客人：「賣這麼貴，還要排隊喔？」

示意圖

示意圖老闆指餃子大粒又飽滿，$4.5一粒絕對有價值，建議客人可以預訂，點知客人就話：「沒吃，怎麼知道好不好吃？」更問到底係有幾大粒。

老闆影咗兩張餃子相比客人睇後，客人就話自己同餃子店都係位於嘉義市，要求老闆送十隻餃子比佢試吓。

客人：「我說你送十個來我試吃看看，沒吃過怎知道好不好吃？又怎知道是不是真的大顆？」

不過老闆話店舖無提供免費試食服務，更向客人道歉。但係客人就話其他店都會提供試食，反問係咪因為太難食所以唔畀試。

客人解釋自己只係家庭主婦，靠賣餃子分擔家計，無理由每個客人都提供試食，不過客人完全唔理，仲話：「唔使打悲情牌。」

老闆最終忍唔住，叫客人如果唔鍾意就另搵賣家。

客人：「正有此意，給妳機會妳不要。」面對如此野蠻嘅客人，老闆都依然向客人致歉。

網民睇完之後都戥老闆唔抵，更話客人臉皮厚過犀牛皮，有人認為該名客人係騙子。如果大家係餃子店老闆，你哋又會點應對呢類客人呢？

資料來源：新假期
睇埋西客投訴態度差霸氣老闆回答一擊秒殺！西客，可能是每一個打工仔必然會遇上的生物，再加上不少老闆情願以息事寧人的方式來解決，使得不少西客往後更加囂張。不過最近一家名為「暖心館」的店就在其專頁發布一張顧客Whatsapp截圖，從截圖中可以看到有顧客投訴店員Winne態度不佳，不過其後老闆的回覆卻是一絕！
撰文：Mike｜圖片：暖心館-古法蒸身暖宮專門店
西客無理投訴老闆公開反擊老闆在Whatsapp向西客表示「唔係Winnie態度超差，係我下令叫Winnie對你特別差的」。然後從回答中可以看到投訴者本身是到店中免費享用服務，但因為態度問題以及用擴音傾電話騷擾到其他客人，老闆在履勸無效之下才出此下策。其後更表示「好態度是用來對好客的，不是對你呢種西客。攞完著數，仲要投訴簡直不知所謂」。而在其後的另一個發文中，老闆更在Hashtag中表示「可以窮但不可以做奴隸」，話說如此霸氣，香港還有幾個老闆可以做得到？（另外可以看老闆在1月17日的發文，裡面可是一堆服務業界的心酸事）