回顧歷年13位男星反串扮女人 網民：嬌俏過啲女星！

最近，Angelababy開30歲生日派對，點知就被細佬反串搶晒鏡！然而，歷年嚟唔少男藝人原來都有試過扮女人反串出鏡，而且仲非常嬌俏，唔知大家印象最深會唔會喺以下呢13位男星嘅反串造型呢？
撰文：東方新地｜圖片：新傳媒圖片庫、微博、Instagram、Facebook
閱讀全文
Angelababy細佬反串搶家姐風頭Angelababy雖然已為人母，但少女心不變，日前為補慶祝30歲生日，就大搞一個以迪士尼為主題嘅cosplay生日派對！Angelababy雖化身成超齡冰雪女王外，當日卻被男扮女裝嘅細佬大搶風頭！


講到生日派對當中最突出嘅就一定係baby細佬楊帆（Keven）！皆因Keven帶上一頭金色假長曲髮兼著上公主服現身，而且仲要鬚根出晒嚟，反串做長髮公主得嚟非常搶鏡！
 
回顧歷年13位男星反串扮女人|王祖藍相信大家對王祖藍扮女人就最有印象，當年祖藍喺《荃家福祿壽》中扮Handelababy（慳啲啦Baby）著上比基尼、空姐、貓女郎等造型，都非常搶眼，而最代表性嘅一句：「我接受唔到囉」，至今依然言猶在耳！

｜李思捷、阮兆祥反串做女人嘅又點止王祖藍一個，其餘兩位《荃家福祿壽》嘅主持李思捷同阮兆祥都有份一齊扮女人。

呢3位嘅反串中，唔知大家又覺得邊位扮得最正呢？

｜張彥博張彥博憑《跳躍生命線》中「雄姐」一角而大受觀眾歡迎，早前就上載自己扮女仔嘅相同片，結果就被網民指佢同韓星宋智孝有幾分相似！

唔止咁，最近TVB新劇《降魔的2.0》開拍，有份參演嘅張彥博更再次男扮女妝上陣，並留言：「豁出去了，抱歉…讓大家難受」，其實眼大大嘅佢扮女人都幾靚，所以相信應該冇咩人會覺得難受嘅！
View this post on Instagram A post shared by 張彥博 (@bobcyp1005) on Feb 23, 2019 at 12:36pm PST
張彥博次次戴起長假髮都有種女人味～｜袁偉豪上年出街嘅《三個女人一個「因」》有集劇情就講袁偉豪（Benjamin）要扮女人去做人格分裂角色。見Benjamin化晒妝嬌美嘅樣好似「幾養眼」，但亦有網民話：「OMG !! no eye see 」、「我的天啊!受不了!」。

View this post on Instagram A post shared by Benjamin Yuen (@benontheroad) on Mar 19, 2018 at 8:26am PDT
｜胡鴻鈞《誇世代》中，胡鴻鈞飾演一名賭場大少潘榮亨，表面謙謙君子，實為熱愛玩重口味SM，不過見到佢反串都已經夠晒重口味啦～
>
>
｜阮政峰阮政峰喺《心理追兇》飾演一個有易服癖嘅男人，網民大讚驚艷之餘，仲話佢好有女人味，


戴上長黑假髮，瓜子面，身形苗條，離遠驟眼望落又的確係一位「靚女」嚟～


｜羅嘉良當年羅嘉良喺《先生貴性》反串扮女人化名Diana，網民覺得女性化嘅佢依然不失豪邁感覺，真呢個look都真係經典呀！

｜陳鍵鋒近北上發展嘅陳鍵鋒以前喺TVB劇集《王老虎搶親》為咗親近胡定欣，所以男扮女裝。當時，網民就話佢睇起嚟非常嬌俏，仲有網民話佢靚過胡定欣，所以叫佢做美人！


眼大大，面同嘴細細嘅陳鍵鋒扮起女人上嚟都真係幾靚嘅，同唔少女藝人都一樣咁靚呀！

｜張敬軒一向睇落文質彬彬嘅軒仔，其實有一顆扮女人嘅心！

軒仔唱到擘晒脾！唔少軒仔嘅圈中好友都有現身撐軒仔場，仲紛紛喺後台爭住同軒仔合照留念，認真搞笑！
霆鋒同軒仔互相擘脾夾腳。何超蓮都有支持張敬軒演唱會！不過，最近個演唱會反串造型都唔係軒仔首次嘗試，其實佢以前做舞台臺劇《BENT屈獄情》嗰時已經破格「扮女人」！大家睇下軒仔著起黑絲，條腿咁幼，夠唔夠性感誘人呢？
張敬軒在舞臺劇《BENT屈獄情》破格「扮女人」演出!
｜黃宗澤Bosco曾經喺個人社交網一次過將自己扮女人造型放上網晒冷，仲留言問網民：「上一次問的係軍裝，今次問係女裝！多年來我穿過的女裝，你哋最喜歡哪一套？」，見到套緊身皮衣同粉紅護士裝，都真係幾…索！

除咗長髮，短髮嘅造型又點少得，Bosco同樣扮得幾嬌俏呀～ 

仲有兩張扮AV封面嘅電影海報，見到Bosco一臉鬚根，扮到好性感嘅嘴張開，似乎佢對易服一啲都唔抗拒！唔知將來仲有機會睇佢扮女人演出呢？


｜陳豪猶記得2012年嘅《萬千星輝賀台慶》，陳豪、郭晉安、謝天華、黎耀祥反串演出《名男望族》。本身就高大嘅阿Mo著住仔裙就好似就嚟逼爆條裙咁，再化埋個妝，阿Mo都幾銷魂！


｜謝天華Man爆嘅laughing 哥大家就見得多，謝天華曾經喺《師奶兵團》扮女人玩cosplay扮日本女僕，當時媚態十足，都好吸睛嫁！



[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁