「肉照」流出！菊梓喬被爆私影舊照；巴打：「碎料！啲人葡萄佢啫！」

:0:0

32歲的菊梓喬，入行兩年星途如坐穿梭機，趁星夢前一姐吳若希停工生女，時來運到攝位坐正，無綫九成劇集歌曲都由她主唱，仲攞埋《勁歌》總選「最受歡迎女歌手」，是否實至名歸見仁見智，不過即場衰笑14秒的吳若希就一定好葡萄。
菊梓喬形象極好深受公司高層愛錫，單身多年緋聞唔多，之前有指被張景淳力追，她即劃清界線自保，寧願dry爆繼續享受唱慘情歌。不過最近有網民爆出了菊梓喬十零歲時期做私影Model的作品，報料姐一心諗住炒花生，卻遭網民手揶揄為「大驚少怪」，甚至掟出回力鏢恥笑師姐吳若希⋯⋯
撰文：網絡、東方新地圖片：新傳媒圖片、Instagram
Cap嚟見我
菊梓喬私影妹年代「肉照」流出原名陳曉怡的菊梓喬，近日被網民翻舊帳，起底瘋傳一批 Hana 的性感舊照，造型包括低胸See Through Bra Top、白色露腰小背心，據佢回應該輯圖片係「幫友人嘅樓上婚紗舖影宣傳相。」不過當中一啲危坐天台、嘟嘴擺港女反V甫士的動作，就跟大眾認知的「星夢」形象不大相同，難怪部份網民同傳媒好似開心大發現，將焦點集中喺佢甚少賣弄嘅上圍同埋泳照：

赤腳坐喺天台邊，背景是中環。

據當事人澄清，呢一輯係為朋友婚紗公司拍攝的宣傳作品。

三點式露背

晾喺池邊

指呢個甫士被指為「迷幻嘟嘴」。

呢張少女反V，被爆料網民指為「露溝」照⋯⋯巴打：「碎料！」、「搵食啫！」對於所謂「肉照流出」嘅報導，網民普遍反應係表示「碎料」、「無咩特別」，甚至懷疑是「對家」爆料企圖抹黑：

「當你發現生活上越多人隊鳩你，就代表你越成功！」

「起碼唔會十三點成日傻笑」

「有又點冇又點,有邊個冇過去,佢而家取得左不錯嘅成就咪得囉」

「順眼過吳弱雞」

「私影妹者又唔係私鐘妹，好似好出奇咁」

結果大家又諗返起笑到失禁嘅吳若希⋯⋯硬食師姐奚落感情無著落菊梓喬（Hana）在年初舉行的《2018年度勁歌金曲頒獎典禮》奪得「最受歡迎女歌手」，令全場嘩然，而近年屢傳與她爭做「星夢一姐」的吳若希更在旁勁浮誇衰笑，自拍大合照時又唔叫菊梓喬，連串小動作，似是暗寸菊梓喬未夠班做一姐。當晚，被公司捧上天的菊梓喬硬著頭皮領獎，她除了在歌唱事業上付出多年的努力，在感情上也犧牲不少。

被封星夢一姐的菊梓喬，早前在《2018年度勁歌金曲頒獎典禮》勇奪「最受歡迎女歌手」，被指未夠班的她只好欣然接受，謙虛表示自己攞獎是僥倖。
吳若希真心恥笑自從菊梓喬成為《2018年度勁歌金曲頒獎典禮》大贏家，成為「最受歡迎女歌手」一刻，死敵吳若希瘋狂衰笑，被指全心食花生睇一姐被批鬥，搞到菊梓喬好尷尬。完場前大合照，菊梓喬更被影到黑面。

為上位唔拍拖單身多年的菊梓喬，樣子清秀是典型靚女，但入行後甚少緋聞，據知情者說：「其實Hana一直都有男仔追，當中唔少男仔條件都唔錯，但佢定力好好，話想專注唱歌先，感情嘢唔想諗住，因為自細屋企環境唔好，佢要擔起成頭家，所以佢好識諗，同埋Hana已經32歲年紀唔細，再唔博就真係冇機會。公司早已暗示過，想繼續有位上就唔好搞搞震，吳若希就係最佳人版，好好地被力捧瞞住公司搞出咁多嘢，為生B又停工一年，機會唔等人，蘇州過後真係冇艇搭，喊都無謂。」有同門師姐前車可鑑，令菊梓喬立定決心唔拍拖。

一姐唔易做入行兩年幾便坐正做一姐兼做埋歌后，菊梓喬雖然有實力，但上位之快難免惹閒言，拎「最受歡迎女歌手」，致謝時講到喊。

有男仔埋身想進一步發展關係都被菊梓喬拒絕，不過同性密友又另計，據知菊梓喬加盟星夢時，已被追星愛好者薯餅虎視眈眈，由於當時菊梓喬知名度一般，遇上欣賞自己的粉絲，她當然欣然接受，知情者透露：「薯餅追咗星都十幾年，其實佢都幾博愛,韓星港星都鍾意，好多年前佢已經好迷霆鋒同Isabella（梁洛施），為咗接近明星，佢早年入商台做，每次見到星都拉住人集郵，佢唔怕醜面皮厚，目的就係埋啲星身做朋友，就算跟出跟入做阿四都冇所謂。近年去咗《 YES！》度做，繼續追星，仲成日黐實Hana陪開工陪放狗，做埋私人攝影師，佢周圍同人講Hana已經成為佢嘅第一女神，最諷刺係未冧Hana前，薯餅係吳若希嘅瘋狂fans。」

黑衣出巡晚上6時許，菊梓喬離開寓所，駕車到將軍澳隨便泊在街邊，一身黑衣打扮的她，帶著愛犬步行8分鐘到將軍澳海濱長廊的寵物公園。

門口會合菊梓喬行到去狗公園門口，中性打扮的同性密友薯餅早已企定定等她，二人前後腳行入公園。
即使有個同性密友薯餅跟出跟入，菊梓喬一樣收收埋埋好低調，早前見她與薯餅去將軍澳放狗，一身黑衣戴上黑帽而且全程避忌，聽教聽話唔多事，抵菊姐成功上位。

《YES！》員工薯餅

低調會合放狗雖然薯餅是同性，殺傷力冇識男人咁致命，不過菊梓喬為免招人話柄，一樣低調行事。早前菊梓喬先行獨自駕車到達將軍澳海濱長廊寵物公園附近，泊好車後與愛犬步行八分鐘去狗公園，而薯餅就拖住自己隻狗在公園外與她會合，二人最初扮唔識，入到狗公園才放下戒備，開心放狗。

公園放狗身為公眾人物，菊梓喬一直保持低調，搵張長凳坐低視察清楚周圍環境，薯餅負責做阿四服侍狗狗，睇得出她與菊梓喬隻狗好熟絡。

人怕出名豬怕肥，菊梓喬明顯比師姐吳若希珍惜機會，經常被讚唱慘情歌感情爆棚的她，曾表示感情上的缺失或許是她投入歌曲的原因：「好多朋友都話我把聲唱情歌有種好痛嘅感覺，可能係感情有缺失，呢個係共鳴！識男友隨緣啦，唔可以強求，老闆都叫我專心工作！」專注係好，但工作壓力大，唔識紓緩分分鐘屈到病，菊梓喬本身性格頗孤僻又不善埋堆，唔拍拖有個同性密友都好，起碼有人陪佢放狗傾吓偈，氹吓佢開心都好嘅！
菊梓喬與同性密友薯餅一人拖一狗，入到狗公園即霸地盤與狗同樂，薯餅樣貌跟林曉峰有八成似。警覺性比菊梓喬更高，不時四圍

[圖擷取自網路，如有疑問請私訊]