買花講價不果發爛渣 大媽拎摺櫈打阿伯

3日年假過後，又到開爐嘅日子喇，先祝大家開工大吉！相信有唔少市民過年時都會買鮮花去布置屋企，而大年初二當日就有網民上載一條影片到Facebook，片中見到一名大媽喺牛頭角大鬧賣花檔，而魚販出聲理論嘅行為更獲廣大網民支持啊！
撰文：Evita ｜影片截圖：[email protected]巴打絲打Facebook ClubCap嚟見我
女子買花講價不果揮摺櫈大年初二當日，正當人人都忙於拜年時，有位網民就喺Facebook群組發布兩條影片，指事發當日朝早11點幾，一名中年女人去牛頭角街市門口買花，要求年老嘅店主以低價賣花不果，女人就情緒激動將裝鮮花嘅水桶亂掉，場面非常混亂。
街市魚販同該名中年女人理論女人拎起裝花嘅水桶走向魚販喺影片中見到鮮花散落一地，身穿灰白色格仔恤衫嘅老年男人疑似係花檔店主，不停執返好地上嘅鮮花。魚販就話：「唔好恰老人家」，而中年女人就話：「我嚟買嘢佢唔賣畀我」。

女人將水桶掉到對面街隨後該名中年女人拎起摺櫈想掟向魚販，結果被對方搶走。


之後女人拎起一束鮮花離開，魚販同拍片者就一直追趕，更話已經報咗警，但係該名女人完全無理會，喺馬路上行走過對面嘅便利店。


之後中年女人將鮮花掉落地，同時警察都到場，女人就話：「講下啫，會畀返錢」。

影片擺咗上網後引起大批網民留言，大部分人都大讚魚販好有型，仲話應該要告個女人刑事，大家又點睇呢？




Cap by 新假期


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁